Ajith: அஜித்திற்கு இது மிகவும் பிடிக்கும் - ஷாலினி வெளியிட்ட வீடியோ
நடிகர் அஜித்தின் விருப்பமான பாடலை ஷாலினி வெளியிட்டு உள்ளார்.
லைம்லைட்டில் இருந்து விலகி இருக்க விரும்பும் நடிகர்களில் ஒருவர் அஜித் குமார். அஜித் எந்த சமூக ஊடகங்களிலும் செயலில் இல்லை என்றாலும், அவரது மனைவி சமீபத்தில் இன்ஸ்டாகிராம் பக்கத்தில் இணைந்தார்.
அவ்வப்போது இவர்கள் குடும்பத்துடன் ஒன்றாக வெளிமாநிலங்கள், வெளிநாடுகளுக்கு செல்லும் போது எடுக்கப்படும் அரிய படங்கள் மற்றும் வீடியோக்களை அதில் பகிர்ந்து வருகிறார் ஷாலினி. இது அஜித் ரசிகர்களுக்கு பெரும் விருந்தாக இருக்கிறது.
இந்நிலையில் நடிகர் அஜித்திற்கு மிகவும் பிடித்த பாடல் பற்றி ஷாலினி வெளியிட்டு உள்ளார். அவருடன் காரில் பயணிக்கும் போது எடுத்து வீடியோவை தனது இன்ஸ்டாகிராம் ஸ்டோரிஸில் வெளியிட்டு உள்ளார். அதில் நடிகர் அஜித் கூலாக கார் ஓட்டிக் கொண்டே பாடலை ரசித்து கேட்டு மகிழ்வது போல் இருக்கிறது.
1994 ஆம் ஆண்டு தமிழில் வெளியான பவித்ரா படத்தில் இடம் பெற்ற " உயிரும் நீயே.. உடலும் நீயே" என்ற பாடல் தான் அது. அஜித் ஹீரோவாக நடித்த அந்த படத்தில் அவரது தாயாக ராதிகாவும், தந்தையாக நாசரும் நடித்திருந்தனர். ஏ. ஆர். ரஹ்மான் இசையமைத்த இந்த பாடலை உன்னிகிருஷ்ணன் பாடினார்.
ஏகே 62 படத்திற்கு விடா முயற்சி என தலைப்பு வைக்கப்பட்டு உள்ளது. ஏகே 62 படத்தை தற்போது மகிழ் திருமேனி இயக்க உள்ளார். அனிருத் இசையமைக்கவுள்ளார். படத்தின் பணிகள் விரைவில் நடைபெற்று வருவதாக தகவல்கள் வெளியாகி உள்ளது. இப்படத்தின் நாயகியாக த்ரிஷா நடிக்க இருப்பதாக தகவல் வெளியாகியுள்ளது.
விரைவில் இதனை படக்குழு அதிகாரபூர்வமாக அறிவிக்கலாம் என எதிர்பார்க்கப்படுகிறது. கிரீடம், மங்காத்தா, என்னை அறிந்தால் படங்களைத் தொடர்ந்து விடாமுயற்சி படத்தில் அஜித்துக்கு ஜோடியாக த்ரிஷா நடிக்க உள்ளார் என்பது குறிப்பிடத்தக்கது.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்