Nayanthara: அட்லீ மேஜிக் மிஸ்ஸிங்.. நயன் தாரா மட்டும் இல்லன்னா.. ஜவான் 2 வது பாடல் ‘ஹைய்யோடா’ எப்படி?

4 வருட இடைவெளிக்கு பிறகு நடிகர் ஷாருக்கானின் நடிப்பில் குடியரசு தின பரிசாக வெளியான திரைப்படம் ‘பதான்’. மக்களிடம் நல்ல வரவேற்பை பெற்ற இந்த திரைப்படம் உலகம் முழுக்க 1000 கோடிக்கு மேல் வசூல் சாதனை புரிந்துள்ளதாக அந்த படத்தின் தயாரிப்பு நிறுவனம் அறிவித்தது.

இதனையடுத்து ஷாருக்கான் பிரபல இயக்குநர் அட்லீ இயக்கத்தில் ஜவான் படத்தில் கமிட் ஆனார். இந்தப்படத்தின் கதாநாயகியாக நடிகை நயன்தாரா ஒப்பந்தம் செய்யப்பட்ட நிலையில், இசையமைப்பாளராக அனிருத் கமிட் செய்யப்பட்டார். இந்தத்திரைப்படத்தின் மோஷன் போஸ்டர் முன்னதாக வெளியாகி சமூகவலைதளங்களில் வைரலானது.

ஜூன் 3 ம் தேதி இந்தத்திரைப்படம் வெளியாகும் என அதிகாரப்பூர்வமாக அறிவிக்கப்பட்ட நிலையில், தவிர்க்க முடியாத காரணங்களினால் அந்த ரிலீஸ் தேதி செப்டம்பர் 7ம் தேதிக்கு தள்ளிப்போனதாக அறிவிக்கப்பட்டது.

இதனிடையேதான் 'ஜவான்' படத்தின் ப்ரிவ்யூ (Prevue) ஜூலை 10ஆம் தேதியன்று காலை 10:30 மணிக்கு வெளியானது. ஹாலிவுட் தரத்தில் உருவாக்கப்பட்டிருந்த அந்த ப்ரிவ்யூ மக்கள் மத்தியில் ஒரு புறம் ஏகோபித்த வரவேற்பை பெற்ற போதும், இன்னொரு பக்கம் இயக்குநர் அட்லீ பல திரைப்படங்களின் காட்சிகளை காப்பி அடித்திருப்பதாக விமர்சனங்கள் எழுந்தன. இந்த நிலையில்  கடந்த ஜூலை 31ம் தேதிஜவான் திரைப்படத்தின் முதல் பாடலான 'வந்த இடம்' பாடல் வெளியிடப்பட்டது. இந்த நிலையில் படத்தின் இரண்டாவது பாடலான 'ஹைய்யோடா' பாடல் வெளியிடப்பட்டு இருக்கிறது. 

இசையமைப்பாளர் அனிருத் இசையில், அனிருத் மற்றும் ப்ரியா மாலியின் குரலில் இந்தப்பாடல் பதிவு செய்யப்பட்டு இருக்கிறது. ரொமன்ஸ் ஜானரில் உருவாக்கப்பட்டுள்ள இந்தத்திரைப்படத்தில் நயன் தாராவும் ஷாருக்கும் முதன்முறையாக ஜோடி சேர்ந்து இருக்கிறார்கள். பாடலாசிரியர் விவேக் எழுதியுள்ள இந்தப்பாடலுக்கு இந்தியாவின் முன்னணி நடன இயக்குநர் ஃபரா கான் நடனவடிவமைப்பு செய்திருக்கிறார். 

வழக்கமாக அட்லீயின் ரொமன்டிக் பாடல்கள் ஒரு படம் பார்த்தது போன்ற உணர்வை தரும். அதற்கு எடுத்துக்காட்டாக தெறி ‘ உன்னாலே என்னாலும் என் ஜீவன்',  மெர்சல்  ‘நீதானே நீதானே’ உள்ளிட்ட பல பாடல்களை சொல்லலாம். ஆனால் இந்தப்பாடலில் அந்த மேஜீக் இல்லை. நடனவடிவமைப்பும் செயற்கையாக இருக்கிறது.கொஞ்சம் ஆறுதலாக நயனின் ஸ்கீரின் பிரசன்ஸ் மட்டுமே ஆறுதலை தருகிறது. இசையும் சட்டென்று பற்றிக்கும் அனியின் ஸ்டைலில் இல்லை.

“ஜவான்” திரைப்படத்தை ரெட் சில்லிஸ் என்டர்டெய்ன்மென்ட் வழங்க, கௌரி கான் தயாரித்துள்ளார். கௌரவ் வர்மா இணை தயாரிப்பாளராக பணியாற்றி இருக்கிறார். .