Sanjay Dutt: விஜயுடன் மோதும் கே.ஜி.எஃப் வில்லன்.. ட்விட்டரில் மாஸ் மெசெஜ்!

விஜய் அடுத்ததாக லோகேஷ் கனகராஜ் இயக்கும் படத்தில் நடித்து வருகிறார். இந்தப்படத்தின் மீதான எதிர்பார்ப்பு உச்சம் தொட்டு இருக்கும் நிலையில், படத்தின் அப்டேட் பிப்ரவரி 1,2,3 ஆகிய தேதிகளில் வெளியாகும் என்று லோகேஷ் தெரிவித்து இருந்தார். இந்த நிலையில், நேற்று இந்தப்படத்தின் அதிகாரப்பூர்வ அறிவிப்பு வெளியானது. அதில் விஜயுடன் லோகேஷ் கனகராஜ் இருப்பது போன்ற புகைப்படத்தை பதிவிட்டு, படத்தை லோகேஷ் கனகராஜ் இயக்க இருப்பதாகவும், ஒளிப்பதிவாளராக மனோஜ் பரமஹம்சாவும், இசையமைப்பாளராக அனிருத்தும் பணியாற்ற இருப்பதாகவும் குறிப்பிட்டு, படக்குழுவின் இதர விபரங்களும் இணைக்கப்பட்டு இருந்தது.

தொடர்ந்து இன்று காலை படக்குழுவினர் காஷ்மீருக்கு தனிவிமானத்தில் பறந்தனர்.

இந்த நிலையில் இந்தப்படத்தில் பாலிவுட் நடிகர் சஞ்சய் தத் இருப்பதும் உறுதியாகியிருக்கிறது. இது குறித்து தன்னுடைய ட்விட்டர் பக்கத்தில் குறிப்பிட்டு இருக்கும் அவர், 'தளபதி 67' ஒன்லைன் கேட்டதுமே இந்த படத்தில் நான் இருக்க வேண்டும் என்பதை முடிவெடுத்துவிட்டேன்.” என்று பதிவிட்டு இருக்கிறார்.