Khushi Movie: குஷி படத்தில் சமந்தாவின் கதாபாத்திரம் என்ன? போஸ்டருடன் அறிவிப்பு

ஆரம்பக் கட்டத்தில் வேகமாக எடுக்கப்பட்டு வந்த இந்தப் படம் சமந்தா உடல்நிலை சரியில்லாத காரணத்தினால் படம் தாமதமாகி வருகிறது. சமீபத்தில் படப்பிடிப்பு மீண்டும் தொடங்கியது. சமந்தா பிறந்தநாளான வெள்ளிக்கிழமை குஷியின் போஸ்டரை வெளியிட்டது படக்குழு. இப்படத்தின் போஸ்டர்கள் வெளியாகி படத்தின் மீதான எதிர்பார்ப்பை அதிகரித்துள்ளது.

எளிமையான குர்தா மற்றும் ஒல்லியான ஃபிட் ஜீன்ஸில் இந்த போஸ்டரில் சமந்தா காணப்படுகிறார். அதில் மிகவும் கூலாக அழகாக போஸ் கொடுக்கிறார். . அதில் இவரைப் பார்த்தால்... ஐடி ஊழியராக நடிக்கிறார் என்று எளிதாகச் சொல்லிவிடலாம். விசேஷம் என்னவென்றால் அந்த ஸ்டில் பார்த்தவுடன் பலருக்கும் தெலுங்கில் சமந்தா நடித்த முதல் படமான ‘ஏ மாய சேசவே’ தான் நினைவுக்கு வருகிறது. 'ஏ மாய சேசவே' படத்தில் சமந்தா ஐடி ஊழியராக நடித்திருந்தார்.

 இந்த போஸ்டரை வெளியிட்ட படக்குழுவினர் சமந்தாவுக்கு பிறந்தநாள் வாழ்த்து தெரிவித்தனர். சக நடிகர்களான விஜய் தேவரகொண்டா உள்பட பல பிரபலங்கள் சமந்தாவின் பிறந்தநாளுக்கு வாழ்த்து தெரிவித்தனர்.

ரொமான்டிக் லவ் என்டர்டெயினராக ரசிகர்கள் முன் வரவிருக்கும் இப்படம், மைத்ரி மூவி மேக்கர்ஸ் பேனரில் தயாராகி வருகிறது. முன்னதாக குஷி படத்தின் ஃபர்ஸ்ட் லுக் மற்றும் மோஷன் போஸ்டர் ரசிகர்களிடம் பெரும் வரவேற்பை பெற்றது.

சிவா நிர்வாணாவின் இயக்கத்தில், முரளி சர்மா, லட்சுமி, அலி, ரோகினி, ஜெயராம், சச்சின் கேத்கர், வெண்ணெலா கிஷோர், ராகுல் ராமகிருஷ்ணா, ஸ்ரீகாந்த் ஐயங்கார், சரண்யா மற்றும் பலர் முக்கிய வேடங்களில் நடித்துள்ளனர். இந்த படத்திற்கு ஹேஷாம் அப்துல் வஹாப் இசையமைக்கிறார். தெலுங்கு, தமிழ், கன்னடம், மலையாளம் ஆகிய மொழிகளில் ஒரே நேரத்தில் படம் வெளியாக உள்ளது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil