Sarath Babu: நடிகர் சரத்பாபு குறித்து வதந்தி : உடனே மறுத்த உறவினர்கள்
தென்னிந்திய சினிமா உலகின் பிரபல நடிகர் சரத்பாபு உடல்நலக் குறைவு காரணமாக உயிர் இழந்தார் என்ற வதந்தி பரவி வருகிறது
தென்னிந்திய சினிமாவில் மிகவும் பிரபலமான நடிகராக இருந்த சரத்பாபு உடல் நலக்குறைவு காரணமாக ஹைதராபாத் மருத்துவமனையில் அனுமதிக்கப்பட்ட சிகிச்சை பெற்று வந்தார். தற்போது உடல் நலக்குறைவு காரணமாக உயிரிழந்ததாக வதந்தி பரவி வந்த நிலையில் தற்போது அது தவறாக பரப்பப்பட்டு வருவதாக சரத் பாபு உறவினர் தரப்பில் தெரிவிக்கப்பட்டுள்ளது.
தமிழ் மற்றும் தெலுங்கு திரையுலகில் முன்னணி நடிகராக இருப்பவர் நடிகர் சரத்பாபு. தமிழ் திரைத்துறையின் மறைந்த இயக்குநர் பாலச்சந்தர் இயக்கிய பட்டினப்பிரவேசம் திரைப்படத்தின் மூலம் 1971 ஆம் ஆண்டு தமிழ் சினிமாவில் அறிமுகமானார்.
சுமார் 40 ஆண்டுகளுக்கும் மேலாக சினிமாவில் பயணம் செய்த இவர் 200க்கும் மேற்பட்ட திரைப்படங்களில் நடித்துள்ளார். நடிகர் ரஜினிகாந்த்துக்கு மிகப்பெரிய வெற்றி படமாக அமைந்த அண்ணாமலை திரைப்படத்தில் அவருக்கு நண்பனாக நடித்து மிகவும் பிரபலமானார்.
முத்து திரைப்படத்திலும் ரஜினிகாந்த்துக்கு எசமானாக நடித்திருப்பார். இது போன்ற ஹிட் படங்கள் இவருக்கு மிகப்பெரிய புகழைத் தேடித் தந்தது. தமிழ் தெலுங்கு மட்டுமின்றி கன்னடா, மலையாளம், ஹிந்தி உள்ளிட்ட மொழிகளிலும் பல படங்களில் இவர் நடித்துள்ளார்.
90களில் சூப்பர் ஸ்டாராக இருந்த ரஜினிகாந்த் மற்றும் சிரஞ்சியுடன் சரத்பாபு நடித்த படங்கள் மிகப்பெரிய வெற்றிகளைப் பெற்றன. சினிமா மட்டுமின்றி தொலைக்காட்சி தொடர்களிலும் இவர் நடித்துள்ளார்.
கடந்த சில வாரங்களாக உடல் நலக்குறைவு காரணமாகப் பெங்களூரில் உள்ள மருத்துவமனையில் முதலில் அவருக்குச் சிகிச்சை வழங்கப்பட்டது. உடல் நலம் தேறிய பிறகு வீட்டில் ஓய்வெடுத்து வந்தார். பிறகு மீண்டும் உடல் நலப் பதிவு காரணமாக ஹைதராபாத்தில் உள்ள மருத்துவமனையில் அனுமதிக்கப்பட்டார். தற்போது சிகிச்சை பலனின்றி உயிரிழந்தார் என சமூக வலைதளங்களில் செய்தி ஒன்று வலம் வந்தது.
தற்போது அந்த செய்தி பொய்யான தகவல்கள் என நடிகர் சரத்பாபுவின் உறவினர்கள் கூறியுள்ளனர். மேலும் சமூக வலைத்தளங்களில் பரவும் தகவல்களை நம்ப வேண்டாம் என உறவினர்கள் கோரிக்கை விடுத்துள்ளனர்.
இன்று நடிகர் மனோபாலா உடல் நலக்குறைவு காரணமாக உயிரிழந்தார். அந்த இறப்புச் செய்தி மறைவதற்குள்ளே சினிமாவின் மூத்த நடிகரான சரத்பாபு உயிரிழந்ததாக பரவிய செய்தி பலருக்கும் பெரும் அதிர்ச்சையை ஏற்படுத்தியுள்ளது.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
https://twitter.com/httamilnews
https://www.facebook.com/HTTamilNews
https://www.youtube.com/@httamil
டாபிக்ஸ்