Rajinikanth: அடிவயிற்றில் வீக்கம்.. அதிகாலை நடந்த சிகிச்சை.. நடிகர் ரஜினிகாந்த் உடல்நிலை எப்படி இருக்கிறது?- முழு விபரம்
Rajinikanth: ரசிகர்கள் கவலைப்படும் அளவிற்கு அவருக்கு எந்தவிதமான சிக்கலும் இல்லை என்று மருத்துமனை வட்டாரத்தில் தெரிவிக்கப்பட்டிருக்கிறது. - ரஜினிகாந்த் எப்படி இருக்கிறார்?
நடிகர் ரஜினிகாந்திற்கு உடல்நலக்குறைவு ஏற்பட்டு சென்னை அப்பல்லோ மருத்துவமனையில் நேற்று இரவு அனுமதிக்கப்பட்டு இருக்கிறார். திடீரென்று அவர் மருத்துவமனையில் அனுமதிக்கப்பட்டதை கேள்விப்பட்ட அவரது ரசிகர்கள், கவலையடைந்து, அவர் உடல்நிலை தற்போது எப்படி இருக்கிறது என்பது தொடர்பான கேள்விகளை, சமூகவலைதளங்களில் எழுப்பி வருகின்றனர். இது தொடர்பாக நியூஸ் 18 தொலைக்காட்சி செய்தி வெளியிட்டுள்ளது.
அதில், " ரஜினிகாந்த் சென்னையில் இருக்கக்கூடிய அப்பல்லோ மருத்துவமனையில் அனுமதிக்கப்பட்டிருக்கிறார். அவரது உடல்நிலை தற்போது சீராக இருக்கிறது. ரசிகர்கள் கவலைப்படும் அளவிற்கு அவருக்கு எந்தவிதமான சிக்கலும் இல்லை என்று மருத்துமனை வட்டாரத்தில் தெரிவிக்கப்பட்டிருக்கிறது.
லதா ரஜினிகாந்த் என்ன சொல்கிறார்
அவரது மனைவி லதா ரஜினிகாந்த், ரஜினிகாந்த் தற்போது நலமாக இருக்கிறார் என்று கூறியிருக்கிறார். அவர் மருத்துவமனையில் அனுமதிக்கப்பட்டது என்பது, ஏற்கனவே மருத்துவர்களோடு ஆலோசனை நடத்தி, திட்டமிடப்பட்ட நிகழ்வு.
