Dhanush: ஏகப்பட்ட பேரிடம் அட்வான்ஸ் வாங்கிய தனுஷ்.. தயாரிப்பாளர் சங்கம் போட்ட புது உத்தரவு

அட்வான்ஸ் பெற்ற தயாரிப்பு நிறுவனத்திற்கு நஷ்டம்

இன்றைய காலகட்டத்தில் ஒரு சில நடிகர், நடிகைகள் மற்றும் தொழில்நுட்ப கலைஞர்கள் ஏற்கனவே அட்வான்ஸ் பெற்ற தயாரிப்பு நிறுவனத்தின் திரைப்படங்களில் பணிபுரியாமல், புதியதாக வரும் தயாரிப்பு நிறுவனங்களுக்கு சென்று விடுகிறார்கள். இதனால், ஏற்கனவே அட்வான்ஸ் கொடுத்துள்ள தயாரிப்பாளர்கள் பெரும் பொருளாதார இழப்பை சந்திக்கும் சூழ்நிலைக்கு தள்ளப்படுகிறார்கள். ஆகையால், இளிவரும் காலங்களில் எந்த ஒரு நடிகர், நடிகை மற்றும் தொழில்நுட்ப கலைஞர்கள், தயாரிப்பாளரிடம் அட்வான்ஸ் பெற்றிருந்தால் திரைப்படத்தினை முடித்துக் கொடுத்துவிட்டு, அடுத்த திரைப்படங்களின் பணிகளுக்கு செல்ல வேண்டும் என்று இக்கட்டத்தில் பேசி முடிக்கப்பட்டது.

தயாரிப்பார்கள் சங்கத்தினை கலந்தாலோசிக்க வேண்டும்

நடிகர் தனுஷ், தயாரிப்பாளர்களிடம் முன்பணம் பெற்றிருக்கும் குழ்நிலையில், இனிவரும் காலங்களில் தயாரிப்பணிகள், தனுஷ் நடிக்கும் புதிய திரைப்படங்களின் பணிகளை துவங்குவதற்கு முன்பாக தமிழ் திரைப்படத் தயாரிப்பார்கள் சங்கத்தினை கலந்தாலோசிக்க வேண்டும் என கேட்டுக் கொள்ளப்படுகிறார்கள் “ என்றார். தனுஷை வைத்து படம் எடுக்க தயாரிப்பாளர் சங்கத்தை கலந்தாலோசிக்க வேண்டும் என வெளியான அறிவிப்பு அவரின் ரசிகர்கள் மத்தியில் அதிர்ச்சியை ஏற்படுத்தி உள்ளது.

கை கொடுத்த ராயன்

நடிகர் தனுஷ் தனது இரண்டாவது இயக்கத்தில் எழுதி, இயக்கி இருக்கும் அதிரடி திரில்லர் திரைப்படம், ராயன். இந்த படத்தில் சன் பிக்சர்ஸ் சார்பில் கலாநிதி மாறன் தயாரித்து உள்ளார். இதில் தனுஷ் லீடு ரோலில் நடித்து இருக்கிறார். இதில் எஸ்.ஜே. சூர்யா, பிரகாஷ் ராஜ், செல்வராகவன், சுந்தீப் கிஷன், காளிதாஸ் ஜெயராம், துஷாரா விஜயன், அபர்ணா பாலமுரளி, வரலட்சுமி சரத்குமார் மற்றும் அறந்தாங்கி நிஷா ஆகியோர் நடித்து இருக்கிறார்கள். இந்த படம் ராயன் என்ற இளைஞனைப் பின் தொடர்கிறது. பிளாக் பஸ்டர் ஹிட்டான இப்படம் வசூலிலும் மாஸ் காட்டி வருகிறது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9