’தனுஷ், சிம்பு, விஷால், அதர்வாவுக்கு ரெட் கார்டு’ தயாரிப்பாளர்கள் சங்கம் அதிரடி!

சென்னையில் தமிழ் திரைப்பட தயாரிப்பாளர் சங்கத்தின் செயற்குழு கூட்டம் நேற்று (செப்.13) நடைபெற்றது. இதில் பல்வேறு விவகாரங்கள் பேசப்பட்டன. இந்த நிலையில் கூட்டத்தில் நடிகர்கள் சிம்பு, தனுஷ், விஷால், அதர்வா ஆகிய நான்கு பேருக்கும் ரெட் கார்டு விதிக்க முடிவு செய்யப்பட்டது. நடிகர் சிம்பு மீது ஏற்கனவே பலமுறை புகார்கள் அளித்தும் பேச்சு வார்த்தை நடத்தியும் முடிவடையாத மைக்கேல் ராயப்பன் பிரச்சனையை மேற்கோள்காட்டி அவருக்கு ரெட் கார்டு விதிக்க முடிவு செய்யப்பட்டது.

தயாரிப்பாளர் சங்கத் தலைவராக விஷால் இருந்தத போது பணத்தை முறையாக கையாளாததால் விஷாலுக்கும் ரெட்கார்டு கொடுக்கப்பட்டுள்ளது. நடிகர் தனுஷ் தேனாண்டாள் பிலிம்ஸ் முரளி தயாரிக்கும் திரைப்படம் ஒன்றில் ஏற்கெனவே 80 சதவீத படப்பிடிப்பு பணிகள் நிறைவடந்த நிலையில் படப்பிடிப்புக்கு வராமல் தயாரிப்பாளருக்கு நஷ்டம் ஏற்படுத்தியதாக அளிக்கப்பட்ட புகாரில் நடிகர் தனுஷுக்கு ரெட் கார்டு விதிக்கப்பட்டுள்ளது.

தயாரிப்பாளர் மதியழகன் கொடுத்த புகாரில் நடிகர் அதர்வா இதுவரை முறையான பதில் அளிக்கததால் அவருக்கும் ரெட் கார்டு விதிக்க தமிழ் திரைப்பட தயாரிப்பாளர்கள் சங்கம் முடிவு செய்துள்ளது.