"சேரனைக் கொல்ல வேல் கம்புடன் திரிந்த கும்பல்.. தலைமறைவான சேரன்..'ஓ'ன்னு அழறாங்க" பிரச்சனையை முடித்த தயாரிப்பாளர்

அதில், " ஆல்பர்ட் தியேட்டர் மாரியப்பன் சார் என்னைய கூப்ட்டு ஒரு நல்ல படம் வந்திருக்கு பாருங்கன்னு பாரதி கண்ணம்மா படத்த பாக்கச் சொன்னாரு. நான் போய் படத்த பாத்தா கண்ணு வழியா தண்ணி ஊத்துது. அந்தப் படத்தோட நான் ரொம்ப கனெக்ட் ஆகிட்டேன். இதுனால இந்தப் படத்த எடுத்த டைரக்டரோட ஒரு படம் பண்ணலாம்ன்னு முடிவு பண்ணி சேரன தேடிட்டு இருந்தோம்.

தலைமறைவாக இருந்த சேரன்

அந்த சமயத்துல தான் பாரதி கண்ணம்மா படம் பெரிய சாதி பிரச்சனைய சந்திச்சது. இதுனால சேரன் கொஞ்ச நாளாவே பதுங்கி தான் இருந்தாரு. சேரன கொல்ல எல்லாரும் வேல் கம்பு எடுத்துட்டு வராங்க. அந்த சமயத்துல அவர என்னோட ஆபிஸ்க்கு வர சொன்னோம். அப்புறம் நாங்களே எல்லா பிரச்சனையையும் சமாளிச்சோம். இப்போ தான் அதெல்லாம் பெரிய விஷயம். அன்னைக்கு காலத்துக்கு இதெல்லாம் சாதாரண விஷயமா இருந்தது எங்களுக்கு.

பொற்காலமாக மாறிய மண் குதிரை

இந்த பிரச்சனை எல்லாம் முடிஞ்சதுக்கு அப்புறம் அவர் சொன்ன கதை தான் பொற்காலம். இந்தப் படத்தப் பத்தி பேச்சு வந்தபோது அதோட பேரு மண் குதிரை. அப்போ, இந்த மண் குதிரைல நான் ஏறிப் போற மாதிரி இல்ல படத்தோட பேரை மாத்துங்கன்னு சொன்னேன். அப்போ வச்ச பேரு தான் பொற்காலம். இந்தப்படம் எடுக்கும் போது எங்களோட பட்ஜெட் 1.80 கோடி தான். ஆனா ரிலீஸ் அப்போ பட்ஜெட் எல்லாம் தாண்டிருச்சி.

எல்லாரும் திட்டுனாங்க

நாங்க படம் எடுத்த உடனே, போலீஸ், ரவுடி, பேமிலி ஆடியன்ஸ்க்கு ப்ரிவ்யூ ஷோ போடுவோம். அந்த மாதிரி இந்தப் படத்தையும் போட்டப்போ, எல்லாரும் ஏன் இப்படி ஒரு படத்தை எடுத்து வச்சிருக்கீங்கன்னு கேட்டாங்க. எனக்கு என்ன பண்றதுன்னே தெரியல.

படம் ஒரே அழுகாச்சியா இருக்கு ஏன் இப்படி ஒரு படத்த எடுத்து வச்சிருக்கீங்கன்னு எல்லாம் என்கிட்ட புலம்புனாங்க. எனக்கா நாம ஒரு நல்ல படத்த எடுத்து வச்சிருக்கோம், அவரோட கண்ணோட்டம் அப்படி இருக்குன்னா நம்மலால ஒன்னும் பண்ண முடியாதுன்னு நெனச்சேன்.

தியேட்டர்களும் பெருசா நம்பிக்கை வைக்கல

அடுத்தநாள் படத்தோட மத்த வேலைய பாக்க போன தியேட்டர் அவுட்ட நாங்களே வச்சிக்குறோம். ரிலீஸ் பன்ன வேணாம்னு டிஸ்டிபியூட்டர்ஸ் சொல்றாங்க. இதுனால என்ன பண்ணலாம்னு யோசிச்சேன். அப்போ தான் பணத்த நீங்க திரும்ப வாங்கிக்கோங்க, நான் சொந்தமா படத்த ரிலீஸ் பண்றேன்னு சொன்னேன்.

ஆனா, படத்து மேல யாருக்குமே நம்பிக்கை இல்ல. இந்தப் படம் வெளிய வந்த சமயம் தீபாவளி. மொத்தம் 11 படம் ரிலீஸ் ஆகுது. அதுல நம்ம படமும் உள்ள எறங்குது.

எங்க அம்மா 'ஓ'ன்னு அழறாங்க

எனக்கு படம் முழு திருப்தியா இருக்கு. ஆனா, யாருக்கும் பிடிக்கல. அந்த சமயத்துல எங்க அம்மாவும் படம் பாத்தாங்க. படத்த முடிச்சிட்டு வெளிய வந்து எங்கம்மா எதுவுமே சொல்லாம போயிட்டாங்க. அப்போ போன் பண்ணி எங்க அம்மாகிட்ட படத்த பத்தி கேக்குறேன். ஓன்னு அழறாங்க. இத நான் என்னென்னு எடுத்துக்குறது. படம் நல்லா இருக்குன்னு அழுவுதா இல்ல பையன் போட்ட பணம் எல்லாம் வீணாப்போச்சேன்னு அழுவுதான்னு தெரியல. ரொம்ப எமோஷனலான எங்க அம்மா, படம் ரொம்ப அருமையா இருக்குன்னு சொன்னாங்க.

அந்த வார்த்தை ஒரு தைரியத்த கொடுத்ததுக்கு அப்புறம் படத்த ரிலீஸ் பண்ணுணோம்" எனக் கூறி இருக்கிறார்.

பிளாக்பஸ்டர் ஹிட் ஆன பொற்காலம்

பொற்காலம் படம் வெளியான சமயத்தில், இது மக்களின் பேராதரவைப் பெற்று வசூலைக் குவித்தது. இந்தப் படத்திலுள்ள பாடல்கள் இன்றளவும் ஹிட் அடித்துக் கொண்டிருக்கின்றன. மேலும், 1997ம் ஆண்டு வெளியான இந்தப் படம் தெலுங்கு, கன்னடம், ஹிந்தியிலும் ரீமேக் ஆனது குறிப்பிடத்தக்கது.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.