தீபாவளி ஸ்பெஷல்.. வரலாறு.. காமெடி.. கேம் ஜானர்.. தரமான 3 திரைப்படங்கள்..பிரித்து மேயும் ப்ரைம் வீடியோ! - முழு விபரம்!

கடைசி உலகப் போர்

கதை- அரசியல் மோதல், உள்நாட்டு அமைதியின்மை மற்றும் டிஸ்டோபியன் எதிர்காலத்தில் சுதந்திரத்திற்கான போராட்டம் ஆகியவற்றை கருப்பொருளாக கொண்ட ‘கடைசி உலகப்போர்’ படத்தை ஹிப் ஹாப் தமிழா நடித்து இயக்கி இருந்தார். இந்தப்படத்தில் அவருடன் அனகா எல். கே., நாசர், நடராஜன் சுப்பிரமணியம், அழகம்பெருமாள் ஆகியோர் முக்கிய வேடங்களில் நடித்துள்ளனர். இந்த அதிரடியான ஆக்சன் திரில்லர் திரைப்படம், தற்போது ப்ரைம் வீடியோவில் பிரத்யேகமாக ஸ்ட்ரீமிங் செய்யப்படுகிறது.

ஸ்வாக்

தெலுங்கு நகைச்சுவை திரைப்படம் ‘ஸ்வாக்’. இந்த திரைப்படத்தில் மனமுடைந்த போலீஸ் அதிகாரியான எஸ்ஐ பவபூதி - தான் ஒரு பணக்காரரின் வாரிசாக இருப்பதை கண்டுபிடிக்கிறார். அதன் வழியில் உருவாகும் சூழ்ச்சிகளுக்கு இடையில்  இழந்த உரிமையை மீட்பதற்கான வாய்ப்பு அவருக்கு கிடைக்கிறது.

பார்வையாளர்களை வெகுவாக ஈர்க்கும் இந்த தெலுங்கு நகைச்சுவை திரைப்படம் தற்போது பிரைம் வீடியோவில் ஸ்ட்ரீமிங் செய்யப்படுகிறது. ஹாசித் கோலி எழுதி இயக்கியுள்ள இந்த நகைச்சுவை திரைப்படத்தில் ஸ்ரீ விஷ்ணு, ரிது வர்மா, சுனில், மீரா ஜாஸ்மின், தக்க்ஷா நகர்கர், ரவி பாபு ,கெட் அப் சீனு, கோபராஜு ரமணா, சரண்யா பிரதீப் ஆகியோர் முக்கிய வேடங்களில் நடித்துள்ளனர். 

'லைக் எ டிராகன்: யாகுசா' எனும் திரைப்படம் 1995 மற்றும் 2005 ஆம் ஆண்டு என இரண்டு காலகட்டங்களில் பின்னணியில் உருவானது. கிரைம் சஸ்பென்ஸ் ஆக்சன் தொடரான இந்தப்படம், பயமுறுத்தும் வகையிலும், ஒப்பற்ற நிலையிலும்.. யாகுசா போர் வீரரான கசுமா கிரியுவின் வாழ்க்கையையும், அவரது குழந்தை பருவ நண்பர்கள் மற்றும் அவர் எடுக்கும் முடிவுகளின் விளைவுகள் ஆகியவற்றையும் விவரிக்கிறது இந்தத் தொடர் தற்போது பிரைம் வீடியோவில் ஆங்கிலம் மற்றும் இந்தி மொழி டப்பிங்குடன் ஜப்பானிய மொழியில் ஸ்ட்ரீமிங் செய்யப்படுகிறது.