ஆங்கிலம் கற்றுக்கொடுக்கும் கூகுள்...எப்படி தெரியுமா?

"தங்களது அன்றாட வாழ்க்கையிலும், உலகம் முழுவதும் கூகுள் டிரெண்டிங்கில் தேடப்பட்ட ஆங்கில வார்த்தைகளின் விளக்கங்கள் மற்றும் புதிய வார்த்தைகளின் அர்த்தங்களை புரிந்துகொள்வதன் மூலம் ஆங்கில மொழி உங்களது ஆர்வத்தை தூண்டக்கூடியதாக அமையும்" என கூகுள் தனது பிளாக்கில் தெரிவித்துள்ளது.

எளிமையாக கூற வேண்டுமானால் கூகுள் தேடுதல் அம்சம் பயனாளர்கள் புதிய ஆங்கில வார்த்தைகள் மற்றும் அர்த்தங்களை நோட்டிபிக்கேஷன்கள் மூலமாக அறிந்து கொள்ளலாம். அதற்கு முதலாவதாக சந்தாதாரராக மாறுவது அவசியம். அவ்வாறு மாறிய பின்னர் நாள்தோறும் புதிய வார்த்தைகள் மற்றும் அர்த்தங்கள் குறித்த நோட்டிபிக்கேஷன் தோன்றும். 

இதன் அர்த்தங்களை சில நாள்களில் பயனாளர்கள் மறந்துவிடுவதற்கான வாய்ப்புகளும் அதிகம் உள்ளது. இதை தடுக்கும் விதமாக குறிப்பிட்ட அந்த வார்த்தை மறவாமல் இருக்கும் விதமாக சுவாரஸ்ய தகவல்களையும் குறிப்பிடுவதால் அதனை நினைவுபடுத்துவது எளிமையாக இருக்கும் எனக் கூறப்படுகிறது.

கூகுள் தேடுதல் அம்சத்தில் சந்தாதாரராக ஆவது எப்படி?

கூகுள் தேடலில் ஏதாவது ஒரு ஆங்கில சொல்லை தேட வேண்டும். இதன் பின்னர் வலது ஓரத்தில் தோன்றும் பெல் சின்னத்தை கிளிக் செய்யவும்.

தற்போது வரை இந்த அம்சம் ஆங்கிலத்தில் மட்டும் கிடைக்கிறது. ஆங்கிலத்தை கற்க விரும்புவோருக்கும், சரளாமாக பேசுவோருக்கும் என இருவருக்கும் உகந்தவாறு வார்த்தைகள் இடம்பெறும் எனவும், விரைவில் இதன் நிலைகளை தேர்வு செய்யும் வசதியும் இடம்பெறும் எனவும் கூகுள் தெரிவித்துள்ளது.