Ponniyin Selvan Saree: தீபாவளி ஸ்பெஷலாக பொன்னியின் செல்வன் சேலைகள் அறிமுகம்!

இந்தப் படத்தில் பிரதான கதாபாத்திரங்கள் ஒரிஜினல் நகைகளை அணிந்தே நடித்ததாக படக்குழுவினர் ஏற்கனவே தெரிவித்திருந்தனர். அதேபோல் ஆடை வடிவமைப்பும், பெண் கதாபாத்திரங்கள் அணிந்த சேலைகளும் புத்தம் புதிய டிசைனில் கண்களுக்கு விருந்தாக இருந்ததாக பலரும் கருத்து தெரிவித்தனர்.

இதையடுத்து தீபாவளி பண்டிகை நெருங்குவதை கருத்தில் கொண்டு, பொன்னியின் செல்வன் படத்தில் இடம்பெறும் கதாபாத்திரங்களின் உருவங்கள் பிரிண்ட் செய்யப்பட்ட சேலைகளை பிரபல டெக்ஸ்டைல் நிறுவனம் வெளியிட்டுள்ளது.

இதுதொடர்பாக அந்த நிறுவனத்தின் உரிமையாளர்கள், பொன்னியின் செல்வன் படத்தில் வரும் பெண் கதாபாத்திரங்களின் ஆடைகள், அவர்கள் அணிந்த சேலைகள் பலரையும் வெகுவாகக் கவர்ந்ததால், சோழர்களின் சேலை என்ற பெயரில் படத்தில் இடம்பெறும் கதாபாத்திரங்கள் உருவமும், படத்தின் பெயரும் பதித்த சேலைகளை தீபாவளி ஸ்பெஷலாக வெளியிட்டுள்ளோம். பட்டு சேலைகள் இந்த உருவங்கள் பதிக்கப்பட்டுள்ள நிலையில், இதன் விலை ரூ. 2100 முதல் நிர்ணயம் செய்யப்பட்டுள்ளதாக தெரிவித்தனர்.

இந்த ஆண்டில் விக்ரம் படத்தை தொடர்ந்து ரூ. 300 கோடி வசூலித்த படமாக பொன்னியின் செல்வனம் அமைந்துள்ளது.