Ponniyin selvan: வந்தியத்தேவன் கேரக்டர் தவறாக சித்தரிக்கபட்டுள்ளதாக புகார்

இதையடுத்து படத்தில் ஆதித்த கரிகால சோழனின் நண்பனாகவும், தளபதியாகவும் தோன்றும் வந்தியத்தேவன் கதாபாத்திரம் தவறாக சித்தரிக்கப்பட்டிருப்பதாக கூறியும், இந்த விவகாரத்தி பொன்னியின் செல்வன் இயக்குநர் மணிரத்னம் மீது நடவடிக்கை எடுக்க வேண்டும் என கோரி சென்னை உயர் நீதிமன்ற வழக்கறிஞர் சார்லஸ் அலெக்சாண்டர் என்பவர் சென்னை காவல் ஆணையர் அலுவலகத்தில் புகார் அளித்துள்ளார்.

இதுதொடர்பாக அளிக்கப்பட்டுள்ள புகாரில், "பொன்னியின் செல்வன் திரைப்படத்தில் வரலாற்றை பொய்மைபடுத்தியும், திரித்தும் கூறி படம் எடுக்கப்பட்டுள்ளது. உண்மைக்கு புறம்பாக சில காட்சிகள் சித்திரிக்கப்பட்டுள்ளது. வந்தியத்தேவன் கதாபாத்திரம் பெண்கள் பின்னால் திரியும் காதல் மன்னன் போல் பொய்யாக சித்தரிக்கப்பட்டுள்ளது.

பொதுமக்கள் மனதில் தவறான எண்ண அலைகளை இந்தப் படத்தின் மூலம் இயக்குநர் மணிரத்னம் கொண்டு சேர்த்துள்ளார். தஞ்சை பெரிய கோயிலில் உள்ள கல்வெட்டுகளில் இருக்கும் சோழபேரரசின் உண்மையான வரலாற்றை மறைத்து தவறு இழைத்துள்ளதார்.

இவ்வாறு அவர் தனது புகாரில் தெரிவித்துள்ளார்.