PS 2 Release Date: மக்களே தயாரா… கோடை விடுமுறைக்கு வரும் பொன்னியின் செல்வன் 2
பொன்னியின் செல்வன் 2 படத்தின் ரிலீஸ் தேதி குறித்த அறிவிப்பு வெளியாகி உள்ளது.
கல்கி எழுதிய பொன்னியின் செல்வன் நாவலை அதே பெயரில் மணிரத்னம் இயக்கி உள்ளார். கடந்த செப்டம்பர் 30 ஆம் தேதி வெளியாகி வரலாற்று வெற்றியைப் பதிவு செய்தது. இந்தப் படத்தை குடும்பம் குடும்பமாக சென்று மக்கள் பார்த்தனர்.
ஏ.ஆர்.ரஹ்மானின் பின்னனி இசை ரசிகர்களை வெகுவாக கவர்ந்தது.
இந்திய அளவில் பொன்னியின் செல்வன் படம் ரூ.400 கோடிக்கும் அதிகமாக வசூலித்துள்ளதாக கூறப்படுகிறது. இந்தப் படத்தின் இரண்டாம் பாகம் 2023 ஆம் ஆண்டு கோடை விடுமுறைக்கு வெளியாகும் என ஏற்கனவே அறிவிக்கப்பட்டு இருந்தது.
சமீபத்தில் ஒரு விழாவில் பேசிய உதயநிதி ஸ்டாலின், ”பொன்னியின் செல்வன் அடுத்த ஆண்டு ஏப்ரல் 28 ஆம் தேதி வெளியாகும்” என்று அறிவித்தார். இதுகுறித்து அதிகாரப்பூர்வமாக அறிவிக்கப்படவில்லை.
பொன்னியின் செல்வன் 2 ஆம் பாகம் குறித்த அப்டேட் இன்று ( டிசம்பர் 28 ) மாலை 4 மணிக்கு வெளியாகும் என லைகா நிறுவனம் அறிவித்து இருந்தது. இதனையடுத்து பொன்னியின் செல்வன் பட வெளியீட்டுத் தேதியாக தான் இருக்கும் என ரசிகர்கள் யூகிக்கத் தொடங்கினார்கள்.
இந்நிலையில் ரசிகர்கள் யூகித்து வைத்து இருந்தது போல், பொன்னியின் செல்வன் 2 படத்தின் ரிலீஸ் தேதி குறித்த அறிவிப்பு வெளியாகி உள்ளது.
அதன் படி ஏற்கனவே உதயநிதி ஸ்டாலின் சொல்லியது போல் படம் வரும் அடுத்த ஆண்டு ஏப்ரல் 28 ஆம் தேதி வெளியாகும் என லைகா நிறுவனம் வெளியிட்டு உள்ளது. இந்த அறிவிப்பு பொன்னியின் செல்வன் ரசிகர்களிடையே எதிர்பார்பை ஏற்படுத்தி உள்ளது.
பொன்னியின் செல்வன் படத்தில் விக்ரம் ஆதித்த கரிகாலனாகவும், ஜெயம் ரவி அருண்மொழி வர்மனாகவும், கார்த்தி, வந்தியத்தேவனாகவும் நடித்திருந்தனர். அதே போல் நந்தினி என்ற கதாப்பாத்திரத்தில் ஐஸ்வர்யா ராய்யும் குந்தவையாக த்ரிஷாவும் நடித்து இருந்தனர்.
பிரகாஷ் ராஜ், பிரபு, ஜெயராம், விக்ரம் பிரபு, சோபிதா துலிபாலா, ஐஸ்வர்யா லெக்ஷ்மி மற்றும் பலர் துணை வேடங்களில் நடித்திருந்தனர்.
ஐஸ்வர்யா ராய் பச்சன் நடித்த ஊமை ராணியின் கதாபாத்திரத்தை இரண்டாம் பாகத்தில் விரிவாக காண ரசிகர்கள் ஆவலுடன் காத்திருக்கின்றனர்.
டாபிக்ஸ்