Pathu Thala : 6 மணிக்கு மறந்துடாதீங்க.. நினைவிருக்கா? பத்து தல இரண்டாவது பாடல்!

இந்த திரைப்படத்தை ஸ்டூடியோ கிரீன் ஞானவேல் ராஜா தயாரிக்கிறார். இதில் சிம்புவுடன் கௌதம் மேனன், கௌதம் கார்த்திக், பிரியா பவானி சங்கர், கலையரசன் ஆகியோர் முக்கிய கதாபாத்திரத்தில் நடித்துள்ளனர். இந்த படத்திற்கு ஏ.ஆர்.ரகுமான் இசையமைக்கிறார்.

இப்படம் கடந்த டிசம்பர் 14 அன்று வெளியாகும் என ஸ்டுடியோ கிரீன் நிறுவனம் தெரிவித்து இருந்தனர். ஆனால் சில காரணங்களால் படம், மார்ச் மாதம் 30 ஆம் தேதிக்கு தள்ளிப் போனது. இப்படத்தின் முதல சிங்கள் பாடல் சிம்பு பிறந்தநாளன்று வெளியானது. நம்ம சத்தம் எனத் தொடங்கும் அந்தப் பாடலை ஏஆர் ரஹ்மான் பாடியிருந்தார்.

அதனைத் தொடர்ந்து தற்போது இரண்டாவது சிங்கிள் அப்டேட் வெளியாகியுள்ளது. கபிலன் வரிகளில் நினைவிருக்கா எனத் தொடங்கும் இந்தப் பாடலை ஏ.ஆர்.ரகுமானின் மகன் ஏ.ஆர்.அமீன் மற்றும் சக்திஸ்ரீ கோபாலன் பாடியுள்ளதாக தெரிவிக்கப்பட்டுள்ளது. 

இந்தப் பாடல் இன்று (மார்ச் 13) மாலை 6 மணிக்கு வெளியாகும் என அறிவிக்கப்பட்டு உள்ளது. பல வருடங்களுக்கு முன்னர் பிரிந்து சென்ற காதலனும், காதலியும் மீண்டும் சந்திக்கும் சூழலை பின்னணியாகக் கொண்டு இந்தப் பாடல் உருவாகியுள்ளது.

இந்த பாடலின் கிளிம்ஸ் வீடியோவை ரசிகர்கள் பலரும் வைரலாக்கி வருகின்றனர். இதையடுத்து படக்குழு புரொமோஷன் பணிகளில் தீவிரமாக ஈடுபட்டு வருகிறது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.