"இடி இடிக்குது மின்னல் முழங்குது அவ பேரக் கேட்ட" தீம் பாடலுடன் வெளியான நயன்தாரா: பியாண்ட் தி ஃபேரிடேல் டிரைலர்!
நடிகை நயன்தாராவின் வாழ்க்கை வரலாற்று ஆவணப்படமாக உருவாகியுள்ள நயன்தாரா: பியாண்ட் தி ஃபேரிடேலின் டிரைலரை நெட்பிளிக்ஸ் தளம் வெளியிட்டுள்ளது.
தமிழ், தெலுங்கு, மலையாளம், இந்தி உட்பட பல இந்திய மொழிகளில் நடித்து லேடி சூப்பர் ஸ்டாராக உயர்ந்து நிற்கிறார் நயன்தாரா. மலையாளத்தில் நிகழ்ச்சி தொகுப்பாளராக கேமரா முன் தன் பணியைத் தொடங்கிய அவர், 2005 ஆம் ஆண்டு சரத்குமாருடன் ஐயா படத்தில் கதாநாயகியாக நடித்து திரைத்துறைக்குள் காலடி எடுத்து வைத்தார். இதையடுத்து தற்போது சினிமா உலகில் தொடர்ந்து 19 ஆண்டுகளுக்கும் மேலாக பல ஏற்ற இறக்கங்களை சந்தித்து, பல வாழ்த்துகளையும் விமர்சனங்களையும் தாங்கிக் கொண்டு நிற்கும் அவர், சினிமா உலகில் தவிர்க்க முடியாத நடிகையாக வலம் வருகிறார்.
சூப்பர் ஸ்டாருடன் ஜோடி போட்ட லேடி சூப்பர் ஸ்டார்
முதல் படத்தை தொடர்ந்து, சில வாய்ப்புகளிலேயே சூப்பர் ஸ்டார் ரஜினிகாந்த்க்கு ஜோடியாக சந்திரமுகி படத்தில் நடித்தார். அதைத் தொடர்ந்து விஜய், அஜித், சூர்யா என முன்னணி நடிகர்களுடன் ஜோடி சேர்ந்து சினிமா உலகில் முன்னணி நடிகையானார். அந்த சமயத்தில் அவரது தனிப்பட்ட வாழ்க்கை குறித்தும் பல விமர்சனங்களை சந்தித்து வந்தார். இதனால் துவண்டு போன அவர், சில நாட்களிலேயே அதிலிருந்து மீண்டு வர ஆரம்பித்தார்.
தனக்கென ஒரு பாணி
தன்னை விமர்சித்தவர்களுக்கு எல்லாம் தொழில் ரீதியாக சாதித்து பதிலடி கொடுக்க ஆரம்பித்தார். இதனால, தமிழ் சினிமாவில் பெண்களை மையமாக வைத்து படம் எடுக்கும் முறையும் இவரால் அதிகரித்தது என்றே சொல்லலாம்.
குடும்ப உறவிற்குள் புகுந்த 7 ஆண்டு காதல்
விக்னேஷ் சிவன் இயக்கத்தில் 2015ஆம் அண்டு , ‘நானும் ரெளடிதான்’ படத்தில் விஜய் சேதுபதிக்கு ஜோடியாக நயன்தாரா நடித்தார். அப்படத்தின் படப்பிடிப்பின் போதே விக்னேஷ் சிவன் மீது காதல் கொண்டார். சில ஆண்டுகள் ரகசியமாக இருந்த இவர்களது காதலை சமூக வலைத்தளங்களில் வெளிப்படையாக அறிவித்தனர். தொடர்ந்து 7 ஆண்டுகளுக்கும் மேலாக காதலித்து வந்த இவர்கள் கடந்த 2022 திருமணம் செய்து கொண்டனர்.
பின்னர் வாடகைத் தை மூலம் இரு குழந்தைகளை பெற்றுக் கொண்டனர். இரட்டை ஆண் குழந்தைகளுக்கான அவர்களுக்கு உயிர்-உலக் எனப் பெயரிட்டு வளர்த்து வருகின்றனர். நயன்தாரா அவ்வப்போது தங்களது மகன்களுடன் செலவிடும் நேரத்தை எல்லாம் புகைப்படங்களாகவும் வீடியோக்களாகவும் பதிவிட்டு தனது சந்தோஷத்தை வெளிப்படுத்தி வந்தார்.
நயன்தாரா: பியாண்ட் தி ஃபேரிடேல்
திருமணம் நடந்து 2 ஆண்டுகள் கடந்து விட்ட நிலையில் தற்போது இவர்களின் திருமண வீடியோ, வரும் 18ம் தேதி நெட்பிளிக்ஸ் ஓடிடி தளத்தில் வெளியாக உள்ளது. இதற்கான ட்ரெயிலர் வீடியோவை நெட்பிளிக்ஸ் தற்போது வெளியிட்டுள்ளது. இயக்குநர் கௌதம் வாசுதேவ் மேனன் இயக்கும் நயன்தாரா: பியாண்ட் தி ஃபேரிடேல் ஆவணப் படத்தில் திரைத்துறையின் உச்ச நட்சத்திரங்கள் பலர் நயன்தாரா குறித்த தங்களது கருத்துகளை தெரிவித்துள்ளனர்.
நெட்பிளிக்ஸ் உடன் முரண்பாடு
முன்னதாக, நயன்தாராவும் விக்னேஷ் சிவனும் தங்களது திருமணப் புகைப்படங்களை சோசியல் மீடியாவில் பதிவேற்றக் கூடாது என நெட்பிளிக்ஸ் தெரிவித்திருந்தது. இதை மீறி இருவரும் திருமண புகைப்படத்தை சோசியல் மீடியாவில் பதிவிட்டதால், நெட்பிளிக்ஸ் ஆவணப்படத்தை வெளியிட தாமதப்படுத்தியது.
இந்நிலையில், இருதரப்பும் பேச்சு வார்த்தை நடத்தி, சமூகமாக சென்றதால் வரும் 18ம் தேதி நயன்தாரா மற்றும் விக்னேஷ் சிவன் தம்பதியின் திருமண வீடியோவுடன் நயன்தாராவின் வாழ்க்கை வரலாறு குறித்த ஆவணப்படமும் வெளியாக உள்ளது.
நயன்தாரா: பியாண்ட் தி ஃபேரிடேல் டிரைலர்
இந்நிலையில், இதற்கான ட்ரெயிலர் இப்போது வெளியிடப்பட்டுள்ளது. அதில், லேடி சூப்பர் ஸ்டார், லேடி சூப்பர் ஸ்டார் என அரங்கம் அதிர குரல்கள் வர நயன்தாரா என்ட்ரி கொடுக்கிறார்.
அப்போது, இடி இடித்திட மின்னல் முழங்கிட அவ பேரக்கேட்டா வானம் பூமி தானா சுத்தம் என்ற பின்னணி பாடலோடு வீடியோ வெளியாகியுள்ளது. இந்த வீடியோவில் கன்னட நடிகர் உபேந்திரா, இயக்குநர் அட்லி, நடிகை டாப்ஸி, நடிகர் ராணா டகுபதி, நடிகை ராதிகா சரத்குமார், நடிகர் நாகார்ஜூனா, நயன்தாராவின் கணவர் விக்னேஷ் சிவன், நயன்தாராவின் தாயார் மற்றும் நயன்தாரா ஆகியோரின் பேட்டிகளுடன் இடம் பெற்றுள்ளது.
டாபிக்ஸ்