Naa Ready Promo: விஜய் குரலில் நான் ரெடி பாடல்.. ப்ரொமோவில் இதை கவனித்திர்களா?
விஜய் நடிக்கும் ‘லியோ’ படத்தின் ‘நா ரெடி’ பாடலின் ப்ரொமோ வெளியாகி உள்ளது.
நடிகர் விஜய் நடிப்பில் இயக்குநர் லோகேஷ் கனகராஜ் இயக்கத்தில் உருவாகி வரும் திரைப்படம் ‘லியோ’. இந்தப் படத்தில் விஜய்க்கு ஜோடியாக நடிகை த்ரிஷா நடிக்கிறார். கிட்டத்தட்ட 14 வருடங்களுக்குப் பிறகு இந்த ஜோடி மீண்டும் இணைந்திருக்கிறது.
இவர்களுடன் இயக்குநர்கள் கெளதம் மேனன், மிஷ்கின், நடிகர் அர்ஜூன், நடிகர் சஞ்சய் தத், நடன இயக்குநர் சாண்டி உள்ளிட்ட பலர் நடித்துள்ளனர்.
அனிருத் இசையமைக்கும் இந்தப்படத்திற்கு முன்னதாக விஜயின் ‘பீஸ்ட்’ படத்திற்கு ஒளிப்பதிவு செய்த மனோஜ் பரமஹம்சா ஒளிப்பதிவு செய்கிறார். அண்மையில் இந்தப் படத்தில் நடிகர் டென்சில் ஸ்மித் இணைந்ததாக சொல்லப்பட்டது. இதில் அர்ஜூன், இயக்குநர் மிஷ்கின், கௌதம் மேனன், மன்சூர் அலிகான், சஞ்சய் தத், நடிகை ப்ரியா ஆனந்த், சாண்டி மாஸ்டர் உள்ளிட்டோர் நடிப்பதாக சொல்லப்படுகிறது.
சமீபத்தில் லோகேஷ் கனகராஜ் ட்விட்டர் பக்கத்தில் லியோ படம் குறித்த அப்டேட் ஒன்றை வெளியிடப்பட்டு இருந்தது. அதன் படி, விஜய்யின் பிறந்தநாளான ஜூன் 22 ஆம் தேதி லியோ படத்தின் முதல் பாடலான ‘நான் ரெடி’ என்ற பாடல் வெளியாகும்” என குறிப்பிட்டு இருந்தது.
இந்நிலையில் யாரும் எதிர்பார்க்காத விதமாக திடீரென, நான் ரெடி பாடலின் ப்ரொமோவை படக்குழு வெளியிட்டு உள்ளது. அதில் ’நான் ரெடி தான் வரவா’ என தொடங்கிய பாடலை நடிகர் விஜய் பாடியுள்ளார். மேலும் இந்த பாடலை பாடியவர் உங்கள் விஜய் என குறிப்பிடப்பட்டு உள்ளது. விஜய் பாடிய பாடலில் முன்பு எல்லாம், உங்கள் விஜய் என குறிப்பிட்டு இருக்கிறார்கள். பிறகு நீண்ட இடைவெளிக்கு பிறகு இந்த முறை தான், உங்கள் விஜய் என குறிப்பிட்டு இருக்கிறார்கள். அதனால் இதற்கும், அவரின் அரசியல் பயணத்திற்கு தொடர்பு இருக்குமோ என ரசிகர்கள் மனதில் கேள்வி எழும்பி உள்ளது.
ஏற்கனவே விஜய் 10, 12 ஆம் வகுப்பில் அதிக மதிப்பெண் எடுத்த மாணவர்களை சந்தித்து பரிசு தொகை கொடுத்த விஷயத்தில் அவர் அரசியல் வருகைக்காக செய்கிறார் என பேச்சு அடிப்பட்டது. இப்படி இருக்கும் சூழலில் அவர், ’உங்கள் விஜய்’ என குறிப்பிட்டு இருப்பது சந்தேகத்தை மேலும் அதிகரிக்க செய்து உள்ளது.
அண்மையில் நடிகர் இந்தப் படத்தின் முதற்கட்ட படப்பிடிப்பு காஷ்மீரில் நடந்து முடிந்தது. சென்னையில் தற்போது படப்பிடிப்பு நடந்து வருகிறது. இந்தப்படம் வருகிற அக்டோபர் மாதம் 19 ஆம் வெளியாக உள்ளது குறிப்பிடத்தக்கது.
லியோ படம் மட்டுமில்லாமல் ஜுன் 22 ஆம் தேதி, வெங்கட் பிரபு இயக்கத்தில் உருவாகும் தளபதி 68 படத்தின் டைட்டில் வெளியாகும் என எதிர்பார்க்கப் படுகிறது.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்