My Perfect Husband: சத்யராஜ் முதல் ஓடிடி தொடர்..! எதிர்பார்ப்பை ஏற்படுத்தி இருக்கும் மை பெர்பெக்ட் ஹஸ்பெண்ட்

முன்னதாக, இந்த தொடரின் பாதிவரை இயக்கிய தாமிரா, கொரோனா நோய் தொற்று பாதிப்பு காரணமாக உயிரிழந்தார். இதைத்தொடர்ந்து சலீம் பட இயக்குநர் நிர்மல் குமார் இயக்கியுள்ளார்.

நகைச்சுவை, காதல், பேமிலி டிராமா பாணியில் உருவாகியிருக்கும் இந்த வெப் தொடர் மொத்தம் 10 எபிசோடுகளாகவும், ஆகஸ்ட் 16 முதல் ஸ்டிரீமிங் ஆகிறது. தமிழ் தவிர தெலுங்கு, இந்தி, மலையாளம் மொழிகளில் வெளியாகிறது.

மை பெர்பெக்ட் ஹஸ்பெண்ட் ட்ரெய்லர்

எல்லாவற்றையும் விட, தன் மீது மட்டுமே கண்களை வைத்திருக்கும் கணவனைப் பற்றி பெருமிதம் கொள்வதாகக் கூறும் பெண்ணாக வரும் சீதாவின் வாய்ல் ஓவரில் டிரெய்லர் தொடங்குகிறது. இதற்கிடையே, அவரது கணவர் தனது கடந்தகால காதல் பற்றி மறைக்க சிலர் பொய்களை அவிழ்க்கிறார்.

சத்யராஜ் இளவயது காதலியாக ரேகா வருகிறார். அதேவேளையில் மற்றொரு இளம் காதலர்களாக ரக்‌ஷன் - வர்ஷா பொல்லம்மா ஜோடி வருகிறார்கள். இதில் ரேகாவின் மகளாக வர்ஷா பொல்லம்மா இருக்கிறார். இளம் காதலர்களின் பெற்றோருக்கு கடந்த காலங்களில் தொடர்பு இருப்பதும், அதனால் ஏற்படும் விளைவுகளுமே கதையாக தெரிகிறது.

சத்யராஜ் முதல் ஓடிடி தொடர்

தமிழ் சினிமாவில் வில்லன், ஹீரோ, குணச்சித்திர நடிகராக இருந்து வருபவர் சத்யராஜ். தற்போது தமிழ் தவிர தெலுங்கு, இந்திஉள்பட பிற மொழி படங்களிலும் நடித்து பான் இந்திய நடிகராக திகழ்ந்து வருகிறார்.

இதையடுத்து 250க்கு மேற்பட்ட திரைப்படங்களில் நடித்திருக்கும் சத்யராஜ் நடிப்பில் தமிழில் வெளியாகும் முதல் வெப் தொடராக இது அமைந்துள்ளது. இதற்கு முன்னர் தெலுங்கில் உருவான மீட் க்யூட், மேன்ஷன் 24 ஆகிய இரண்டு வெப் தொடர்களில் சத்யராஜ் நடித்துள்ளார்.

ஹாட்ஸ்டார் ஸ்பெஷல்

சமீப காலமாக டிஸ்னி ப்ளஸ் ஹாட்ஸ்டாரில் அடுத்தடுத்து புதிய வெப் தொடர்கள் வெளியிடப்பட்டு வருகின்றன. அந்த வகையில் பொன்வண்ணன் உள்பட பலர் நடித்திருக்கும் உப்பு புளி காரம், யோகி பாபு, வாணி போஜன், கயல் சந்திரன் நடித்த சட்னி சாம்பார் வெப் தொடர்கள் ரசிகர்கள் மத்தியில் நல்ல வரவேற்பை பெற்றுள்ளது. இதைத்தொடர்ந்து தற்போது சத்யராஜின் மை பெர்பெக்ட் ஹஸ்பெண்ட் எதிர்பார்ப்பை ஏற்படுத்தியுள்ளது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews

Facebook" https://www.facebook.com/HTTamilNews

You Tube: https://www.youtube.com/@httamil

Google News: https://tamil.hindustantimes.com/