தமிழ் செய்திகள்  /  Entertainment  /  Hbd Vidyasagar Bouncy Melodic Unique Style Of Music Vidyasagars Birthday

HBD Vidyasagar : துள்ளல், மெலோடி எதிலும் வித்யாசமான பாணி இசைக்கு சொந்தக்காரர்! வித்யாசாகர் பிறந்த தினம்!

Priyadarshini R HT Tamil
Mar 02, 2024 05:45 AM IST

HBD Vidyasagar : துள்ளல், மெலோடி எதிலும் வித்யாசமான பாணி இசைக்கு சொந்தக்காரர்! வித்யாசாகர் பிறந்த தினம்!

HBD Vidyasagar : துள்ளல், மெலோடி எதிலும் வித்யாசமான பாணி இசைக்கு சொந்தக்காரர்! வித்யாசாகர் பிறந்த தினம்!
HBD Vidyasagar : துள்ளல், மெலோடி எதிலும் வித்யாசமான பாணி இசைக்கு சொந்தக்காரர்! வித்யாசாகர் பிறந்த தினம்!

ட்ரெண்டிங் செய்திகள்

இவரை மெல்லிசை மன்னர் என்று அழைப்பார்கள். இவர் 225 க்கும் மேற்பட்ட படங்களுக்கு இசையமைத்துள்ளார். இவர் தேசிய விருது, மாநில விருதுகள் மற்றும் ஃபிலிம்ஃபேர் விருதுகளையும் பெற்றுள்ளார். இவர் நடிகர் விஜயுடன் சேர்ந்து பணிபுரிந்த அனைத்து படங்களும் இவருக்கு ஹிட். வரலாற்று சிறப்புமிக்க இசையமைப்பாளர்.

இவரது சொந்த ஊர் ஆந்திர மாநிலத்தில் உள்ள விழியநகரம் ஆகும். ராமச்சந்தர் மற்றும் சூர்யகாந்தம் இவரது பெற்றோர். இவர்கள் குடும்பத்தினர் சென்னையில் தங்கிவிட்டனர். இவரது தந்தையும் இசையமைப்பாளர். இவர் கர்நாடக இசையை முதலில் கற்றுக்கொண்டார். பின்னர் கிட்டார், பியானோ இசை கருவிகளையும் இசைக்க கற்றுக்கொண்டார்.

இவர் இசையமைத்த முதல் படம் பூமனம். அதில் என் அன்பே என்ற பாடலுக்கு இசையமைத்தார். இவர் தமிழ் மொழியில் தனது இசைப்பயணத்தை துவக்கினார். அவருக்கு தமிழ் சினிமாவில் நல்ல வரவேற்பு கிடைத்தது. பின்னர் தெலுங்கு படங்களுக்கு இசையமைக்க துவங்கினார்.

இவரும், நடிகர் மற்றும் இயக்குனருமான அர்ஜூன் ஆகிய இருவரும் சேர்ந்து பல படங்களில் பணிபுரிந்துள்ளனர். இவர்கள் கூட்டணியில் உருவான ஜெய்ஹிந்த், கர்ணா மற்றும் சுபாஷ் ஆகிய படத்தின் பாடல்கள் ஹிட் கொடுத்தன. இதையடுத்து இவர் தமிழ் சினிமாவின் தவிர்க்க முடியாத இசையமைப்பாளர் ஆனார். இவர் மலையாள படங்களுக்கும் அதிகளவில் இசையமைத்துள்ளார். கேரள மாநில விருதுகளையும் பெற்றுள்ளார். இவர் இசையமைத்த தில், ரன், தூள், கில்லி ஆகிய படங்களின் பாடல்கள் ஹிட்டாகின.

இவர் ஆங்கில படங்களுக்கும் இசையமைத்துள்ளார். இவரது அன்பேசிவம், மதுர உள்ளிட்ட படத்தின் பாடல்களும் ஹிட் அடித்தன. இவர் இசையமைத்த சந்திரமுகி படத்தின் பாடல்களை இன்றும் மறக்க முடியாது. இவர் மொழி படத்துக்கு இசையமைத்த பாடல்களும் நல்ல ஹிட் அடித்தன. இன்று பிறந்த நாள் காணும் வித்யாசாகருக்கு ஹெச்.டி. தமிழ் வாழ்த்துக்களை தெரிவித்து, அவரது பிறந்த நாளில் அவர் குறித்த சில தகவல்களை பகிர்ந்துகொள்வதில் மகிழ்கிறது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

IPL_Entry_Point

டாபிக்ஸ்