Metti Oli 2: ரெடியான டீம், விரைவில் படப்பிடிப்பு! புத்தம் புதிய கதை களத்துடன் மீண்டும் வருகிறது மெட்டி ஒலி
ரசிகர்களின் பேவரிட் டிவி தொடராக இருந்து வந்த மெட்டி ஒலி சீரியலின் இரண்டாம் பாகம் விரைவில் ஒளிபரப்பாக இருப்பதாக தகவல்கள் தெரிவிக்கின்றன. இந்த தொடரை கோபி இயக்கவில்லை எனவும் கூறப்படுகிறது.
கடந்த 2002இல் சன்டிவியில் ஒளிபரப்பான மெட்டி ஒலி சீரியல், சின்னத்திரை ரசிகர்கள் மத்தியில் மிக பெரிய வரவேற்பை பெற்றது. 2002 முதல் 2005 வரை சுமார் 800 எபிசோடுகளுக்கு மேல் ஓடிய இந்த தொடர் ரசிகர்களின் பேவரிட் தொடர்களில் ஒன்றாக இருந்தது. இதன் டைட்டில் பாடலான அம்மி அம்மி அம்மி மிதித்து பாடல் மிகவும் பிரபலமானது.
இந்த தொடரை திருமுருகன் இயக்கியிருந்தார். இதில் சேத்தன், காயத்ரி, டில்லி குமார், காவேரி, தீபா வெங்கட், நீலிமா ராணி, போஸ் வெங்கட், சாந்தி வில்லியம்ஸ் உள்பட பலரும் பிரதான கதாபாத்திரத்தில் நடித்திருப்பார்கள். திருமுருகனும், கோபி என்ற கதாபாத்திரத்தில் நடித்திருப்பார். இந்த தொடருக்கு பின் அவர் கோபி என்ற ரசிகர்களாலும் அழைக்கப்பட்டார்.
ரசிகர்களின் அமோக வரவேற்பை பெற்ற இந்த தொடரின் இரண்டாம் பாகமாக மெட்டி ஒலி 2 தொடரின் படப்பிடிப்பு விரைவில் தொடங்க இருப்பதாக தகவல்கள் தெரிவிக்கின்றன. அத்துடன் சன்டிவியிலேயே ப்ரைம் டைமில் ஒளிபரப்பாக இருப்பதாகவும் கூறப்படுகிறது.
மெட்டி ஒலி 2 தொடரை விக்ரமாதித்யன் என்பவர் இயக்கவுள்ளராம். அதேபோல் இந்த பாகத்தில் புதுமுக நடிகர்கள் பலர் நடிக்கவுள்ளதாகவும், முதல் பாகத்தில் இடம்பிடித்த நடிகர்கள் சிலரும் நடிக்க இருப்பதாகவும் விவரம் அறிந்தவர்கள் கூறுகிறார்கள்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
