Manoj bharathiraja: ‘7 வருஷம் சும்மா இருந்தேன்.. அப்பா பேரு எனக்கு நெகட்டிவ்தான்.. அவரே நம்பல’ - மனோஜ் பாரதிராஜா வேதனை!

வெளியே இருந்து பார்க்கும் யாருக்கும் பெரிய அளவில் தெரியாது.. அவனுக்கென்னடா பாரதிராஜா பையன்.. அவனுக்கு என்ன குறைச்சல்னு சொல்லுவாங்க. என்னோட இடத்துல இருந்து பார்த்தாதான் தெரியும். 

எப்பேர்பட்ட ஜாம்பவானாக இருந்தாலும், அவன் வாழ்க்கையில் ஒரு கஷ்டம் நிச்சயமாக இருக்கும். ஆகையால், நீ வந்து என்னுடைய இடத்தில் உட்கார்ந்து பார். இப்படிப்பட்ட காலத்தில் என்னுடன் இருந்த அந்த ஜீவனுக்கு நான் நன்றி சொல்லவில்லை என்றால் நான் மனுஷனே கிடையாது. 

 2005 லிருந்து 2012 வரை நான் வேலை இல்லாமல்தான் இருந்தேன். அந்த நேரத்தில் வருமானே இல்லை. பல்லைக்கடித்துக்கொண்டு வீட்டில் உட்கார்ந்து இருந்தேன். கிட்டத்தட்ட அது எனக்கு கொரோனா காலம் என்று சொல்லலாம். இங்கு எல்லோருக்கும் 2 வருடம்தான் கொரோனா லாக் டவுன் இருந்தது. ஆனால் எனக்கு 7 வருடம் லாக் டவுன்தான்.

உண்மையில் நான் வெற்றியாளராக இருந்தால் தொடர்ச்சியாக படங்கள் செய்து கொண்டிருக்க வேண்டும். ஆனால் வரவில்லை. ஏதோ ஒரு நாள் வாய்ப்பு வருவதெல்லாம் வெற்றி கிடையாது. இயக்குநர் வாய்ப்புக்கேட்டு, நான் நிறைய கம்பெனிகள் ஏறி இறங்கி இருக்கிறேன். அவர்கள் உங்களிடம்தான் மனோஜ் கிரியேஷன் இருக்கிறதே..? உங்கள் அப்பாவிற்கு உங்கள் மீது நம்பிக்கை இல்லையா என்று கேட்பார்கள்.

அவர்களுக்கு நான் என்ன பதில் சொல்வேன். அவர்களுக்கு தெரியாது. நான் தனித்து வர முயற்சி செய்கிறேன் என்று.. என்னுடைய அப்பா பேருதான் எனக்கு பாசிடிவான விஷயமும் 

நெகட்டிவான விஷயமும்.. இந்தப்படத்தின் முதல் நாள் படப்பிடிப்பின், பிரேக்கில் என்னைப்பார்த்து  அப்பா தேம்பி, தேம்பி அழுதார். உடனே என்னப்பா என்று கேட்டேன். அதற்கு அவர், நான் உன்னை என்னமோ நினைத்தேன். நானே உன்னை நம்பவில்லை.. உன்னை நான் தான் கொண்டு வந்திருக்க வேண்டும் என்று சொன்னார்.” என்று பேசினார்.