Malavika Mohanan: எருமைமாடு மீது சவாரி..உடல் முழுவதும் சொறி! தங்கலான் அனுபவம் பகிர்ந்த மாளவிகா மோகனன்

அதன் பின்னர் படத்தின் சிங்கிள் பாடல் ஒன்றும் வெளியாகி வரவேற்பை பெற்றது. படத்தில் நடிகை மாளவிகா மோகனன் மந்திரகாரியாக வருகிறார். விக்ரமுக்கும், இவருக்கும் இடையே நடக்கும் சண்டைக்காட்சி படத்தில் ஹைலைட்டாக இருக்கும் என கூறப்படுகிறது. இந்த படத்தில் நடித்த அனுபவம் குறித்து மாளவிகா மேனன் பல்வேறு விஷயங்களை பேட்டி ஒன்றில் பகிர்ந்தார்.

உடலில் சொறி ஏற்பட்டது

படத்தின் மிக நீண்ட கால அட்டவணை கோலாரில் நடைபெற்றது. இந்த படத்துக்காக அனைவரும் கடுமையான உழைப்பை வெளிப்படுத்தினோம்.

எனது கதாபாத்திரத்துக்காக நான்கு முதல் ஐந்து மணி நேரம் ஒப்பனைக்கு உட்கார வேண்டியிருந்தது. 10 மணி நேரம் மேக்கப்பில் இருந்த பிறகு எனக்கு சொறி ஏற்பட்டது. படப்பிடிப்பின் போது மேக்கப்புடன் கொளுத்து வெளியில் நடித்தோம். இதனால் உடலிலும், சருமத்திலும் தீக்காயங்கள் போல் ஏற்பட்டது.

இந்த படத்தில் நடித்த பிறகு தோல் மருத்துவர், கண் மருத்துவர் உட்பட குறைந்தது ஐந்து மருத்துவர்களை நான் சந்தித்தேன்.

கேலி செய்தார் என நினைத்தேன்

படத்தில் ஒரு காட்சிக்காக, இயக்குநர் ரஞ்சித் என்னை எருமை மாடு மீது சவாரி செய்ய வைத்தார். எருமையுடன் ஒரு காட்சி இருந்தது. நான் படப்பிடிப்புக்கு தயாராகி கொண்டிருந்தபோது எருமைாடு நிற்பதை பார்த்தேன்.

இதைக்கண்ட ரஞ்சித் சார், எருமைமாடு எனக்கு பிடிக்குமா என்று கேட்டார். நான் ஆம் என்று சொன்னதும், அவர் என்னை அதன் மீது உட்காரச் சொன்னார். அவர் கேலி செய்கிறார் என்று நான் நினைத்தேன்.

ஆனால் அவர் என்னிடம் மீண்டும் கேட்டார். இறுதியாக, நான் அதில் சென்று அமர்ந்தேன். அந்தக் காட்சியைப் பற்றி அவர் என்னிடம் முன்கூட்டியே சொல்லாததால், அவர் என்னிடம் கேட்டபோது நான் அதிர்ச்சியடைந்தேன்.

இந்தத் திரைப்படம் உடல்ரீதியாகவும், மனரீதியாகவும் எனக்கு மிகவும் கடினமாக இருந்தது." என்றார்

பீரியட் ஆக்சன் என்டர்டெய்னர்

கோலார் தங்க வயல் பின்னணியில், பீரியாடிக் ஆக்சன் என்டர்டெய்னராக தயாராகியிருக்கும் தங்கலான்  திரைப்படத்தை, ஸ்டுடியோ கிரீன் நிறுவனம் சார்பில் தயாரிப்பாளர் கே.ஈ. ஞானவேல் ராஜா மற்றும் நீலம் புரொடசன்ஸ் சார்பில் இயக்குநர் பா. ரஞ்சித் ஆகியோர் இணைந்து தயாரித்திருக்கிறார்கள். படம் அக்டோபர் மாதம் 10ஆம் தேதி வெளியாக உள்ளது.

தங்கலான் படத்தின் படப்பிடிப்பு பணிகள் மொத்தம் 118 நாட்கள் நடைபெற்று முடிந்துள்ளது. தமிழ் திரையுலகில் மட்டுமல்லாமல் ஒட்டுமொத்த திரையுலகமும் பெரிதும் எதிர்பார்க்கும் படைப்பாக 'தங்கலான்' இடம் பிடித்திருக்கிறது. கதைக்களம்- கதை சம்பவம் நடைபெறும் காலகட்டம்- பிரபலமான நட்சத்திர நடிகர்கள்- திறமையான தொழில்நுட்ப கலைஞர்கள் ஆகியோரின் கடின உழைப்பில் படம் உருவாகியுள்ளது. 

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/