கவிஞர் சினேகன் உடன் இணையும் அனிதா சம்பத்! இந்த டீவியிலா! சொல்லவே இல்ல!
கலைஞர் டிவியில் புதியதாக ஒளிபரப்பாக உள்ள பவித்ரா எனும் தொடரில் கவிஞர் சினேகன் மற்றும் தொகுப்பாளர் அனிதா சம்பத் ஆகியோர் முதன்மை கதாபாத்தரங்களில் நடித்துள்ளனர்.
செய்தி வாசிப்பாளராக தன் பயணத்தை தொடங்கிய அனிதா சம்பத், தற்போது விஜய் டிவியில் தொகுப்பாளராக பணியாற்றி வருகிறார். இவர் முதன் முதலில் செய்தி தொலைகட்சிகளில் செய்தி வாசிப்பாளராக பணியாற்றினார். பின்னர் சமூக வலைத்தளத்தில் சேனல் தொடங்கி நடத்தி வந்தார். தற்போதும் இந்த சேனலை தொடர்ந்து சிறப்பாக கொண்டு செல்கிறார். மேலும் கடந்த 2021 ஆம் ஆண்டு நடைபெற்ற பிக்பாஸ் சீசன் 4 லிலும் போட்டியாளராக பங்கேற்றார்.
பாதியில் எலிமேனேட் ஆகி வெளியே சென்றார். அந்த சீசனில் நடிகர் ஆரி வெற்றிப் பெற்றார் என்பது குறிப்பிடத்தக்கது. மேலும் அதனைத் தொடர்ந்து நடந்த பிக்பாஸ் ஜோடியில் சாரிக் உடன் ஆடி டைட்டில் பட்டத்தை வென்றார். தற்போது விஜய் டிவியில் ஒளிபரப்பாகி வரும் காலை நேர நிகழ்ச்சிகளை தொகுத்து வழங்கி வருகிறார். இவரது யூட்யூப் சேனலில் போடும் நடன வீடியோக்களை பல லட்சக்கணக்கான ரசிகர்கள் பார்வையிட்டும், பாராட்டியும் வருகின்றனர். மேலும் இவரது கணவர் பிரபாகரன் இவரது எல்லாவிதமான புது முயற்சிகளுக்கும் முழு ஒத்துழைப்பு வழங்கி வருகிறார்.
கவிஞர் சினேகன்
தமிழ் சினிமாவில் 90 கள் முதல் பாடல் எழுதி வரும் சினேகன் மிகவும் பிரபலமான பாடலாசிரியர் ஆவார். இவர் பிக்பாஸ் சீசன் 1 இல் பங்கு பெற்று முதல் ரன்னர் அப் ஆக வந்தார். மேலும் பிக்பாஸ் இல் இருந்து திரும்பியதும், சீரியல் நடிகை கனிகா என்பவரை திருமணம் செய்து கொண்டார். சமீபத்தில் இவர்களுக்கு குழந்தை பிறக்கப் போகும் அறிவிப்பை வெளியீட்டு இருந்தனர். கவிஞர் சினேகன் தமிழில் ஆயிரக்கணக்கான பாடல்களை எழுதியுள்ளார்.
கவிஞர் சினேகன் மற்றும் அனிதா சம்பத் ஜோடியாக நடிக்கும் பவித்ரா எனும் புதிய தொடர் ஒன்று கலைஞர் டிவியில் ஒளிபரப்பாக உள்ளது. இது தொடர்பான புரோமோ வீடியோ வெளியாகியுள்ளது. இந்த தொடரில் புது புது அர்த்தங்கள், சந்தோஷ் சுப்ரமணியம் உள்ளிட்ட படங்களில் நடித்த கீதா முக்கிய கதாபாத்திரத்தில் நடித்துள்ளார்.
கலைஞர் டிவி வெளியிட்ட வீடியோவில் கீதா அனிதா சம்பத்திற்கு அம்மாவகவும், சினேகன் அந்த வீட்டில் வேலை செய்யும் வேலையளாகவும் நடித்துள்ளார். மேலும் பயந்த சுபாவம் உடைய தனது இரண்டாவது மகளான அனிதா சம்பத் நடித்துள்ளார். மேலும் வேலையாளாக வரும் சினேகன் கழுத்தில் துண்டு, நெற்றியில் குங்குமம் என முற்றிலும் மாறுபட்ட வேடத்தில் நடிக்க இருக்கிறார்.
இந்த புரோமா வீடியோவிற்கு நிழல்கள் ரவி குரல் கொடுத்துள்ளார். பவானியாக வரும் அனிதா சம்பத் தாவணியில் பக்கா கிராமத்து பொண்ணாக உள்ளார். இந்த தொடரின் வில்லியாக சுந்தரா டிராவல்ஸ் படத்தில் நடித்து உள்ள ராதா, காயத்ரி எனும் கதாபாத்திரத்தில் நடித்துள்ளார். இந்த தொடர் குறித்தான வீடியோ வெளியானதை தொடர்ந்து சமூகவலைத் தளங்களில் பலர் சினேகன் மற்றும் அனிதா சம்பத்திற்கு வாழ்த்து தெரிவித்து வருகின்றனர். புது ஜோடி தமிழ்நாடு குடும்பங்கள் மனதில் நிலைக்குமா என பொருத்திருந்து பார்ப்போம் எனக் கூறி வருகின்றனர்.
கலைஞர் டிவியின் டிரிக்ஸ்
கலைஞர் டிவியும் மற்ற தொலைகட்சிகளைப் போலவே சீரியல், ரியாலிட்டி நிகழ்ச்சிகள் என டிஆர்பி களத்தில் குதித்து விட்டது. இது கலைஞர் டிவிக்கு எவ்வளவு தூரம் ஒர்க் ஆகும் எனப் பார்க்கலாம்
டாபிக்ஸ்