ரேட் கட்டுப்படியானால் ஓப்பனாக நடிக்கத் தயார்! கோலிவுட் கலாட்டாக்கள்

தமிழ் திரையுலகில பீக்கில் இருந்தபோது கவர்ச்சியாகவும் குடும்பப்பாங்காகவும் பேலன்ஸ் செய்து ரசிகர்களை கவர்ந்தவர் இந்த நடிகை. மார்க்கெட் இருக்கும்போதே திருமணம் செய்து கொண்ட கதாநாயகி வாய்ப்புகள் குறைந்துவிட்டாலும் பல படங்களில் நடித்து வருகிறார்.

ஆனாலும் புகுந்த வீட்டில் போட்ட லகானில் கவர்ச்சி காட்ட முடியாது என்று அடக்கஒடுக்கமாக நடிக்கிறார்.

இதெல்லாம் சினிமாவுக்கு சரியாக வராது என்று தயாரிப்பாளர்கள் கறாராகச் சொல்லிவிட்டதால் இப்போது சற்று இறங்கிவந்துவிட்டார். கிளுகிளுவென ரொமான்ஸ் செய்ய ஓகே சொல்லி விட்டார்.

ரேட்டை உயர்த்திய நடிகை

தமிழ், தெலுங்கு மொழிகளில் இவர் நடித்து பிரபலமாக வலம் வருகிறார். தனது நடிப்புத்திறமைக்கு ரசிகர்கள் கூட்டம் ஆர்ப்பரித்து வருவதாக நினைத்த இவர் திடீரென சம்பளத்தைப் பல மடங்கு உயர்த்தியதைப் பார்த்து தயாரிப்பாளர்கள் திகைத்துவிட்டனர்.

தமிழ், தெலுங்கு முன்னணி நடிகர்களுடன் ஜோடிபோட்டு சக்கைப்போடு போட்டதால் இப்போது தமிழில் ஒரு இளம் நடிகருடன் ஜோடியாக நடிக்க வாய்ப்பு வந்துள்ளது.

கதையைக் கேட்டதும் சம்மதம் தெரிவித்த கையோடு தனக்கு 4 கோடி ரூபாய் சம்பளம் தரவேண்டும் என்று கிடுக்குப்பிடி போட்டார். அப்படிஇப்படியென்று பேரம் பேசி 3 கோடி ரூபாய் தருவதற்கு தயாரிப்பாளரும் ஒத்துக்கொண்டார்.

வாய்ப்பு இருக்கும்போதே தூற்றிக்கொள்வது உலக இயல்புதானே!

இயக்குநர்களுக்கே இம்சை தரும் நடிகை

தமிழில் அறிமுகமாகி சில காலமாகிவிட்டாலும் மாபெரும் கதாநாயகி என்ற நினைப்பு வந்துவிட்டது இந்த நடிகைக்கு.

மலையாளத் திரையுலகில் இருந்து வந்த இந்த நடிகை, தமிழில் தன் அறிமுகப் படத்திலேயே பிரபல நடிகருடன் ஜோடி சேர்ந்து நடித்து மிகவும் பிரபலமானார். பின்னர் அதிர்ஷ்ட தேவதையின் கடைக்கண் பார்வை நடிகையின் படவே அவரது வளர்ச்சி பிரகாசமாக மாறி விட்டது. ஏகப்பட்ட பல பட வாய்ப்புகள் அவரது வீடு தேடி வருகின்றன.

எந்தப் படத்தின் கதையைக் கேட்டாலும் அந்தப் படத்தில் தான் முன்பு நடித்த அதே ஒல்லி நடிகருடன் ஜோடி சேர்க்கும்படி இயக்குநர்களுக்கே கட்டளையிடுகிறாராம். சம்பளத்தையும் கூறி தயாரிப்பாளர்களையும் திக்குமுக்காடச் செய்கிறார்.

எல்லாம் எங்கே போய் முடியுமோ!

சின்னத்திரை பிரபலத்துக்கே பெரிய பில்டப்

சின்னத்திரைகளில் பாட்டுப்பாடியே பிரபலமானவர் இந்த நடிகை. பல ரியாலிட்டி ஷோக்களிலும் நடித்துப் பிரபலமாகிவிட்டார். பார்த்தால் வெகுளி என்று இவரை அணுகுபவர்களைப் பித்துக்குளியாக்கும் திறமை வாய்ந்தவர்.

கடையைத் திறக்க வேண்டுமா இவ்வளவு தரணும், விளம்பரப்படமா கேட்டுக்கோ இதுதான் ரேட் என்று கம்பெனியை திவாலாக்கும் சம்பளம் கேட்கிறார்.

பிரபலமாகிவிட்டாரே நடிக்க வாருங்கள் என்று சினிமா தயாரிப்பாளர்கள் போய் கேட்டால், திருப்தியான கதையை சொல்லுங்கள், பிளாக்பஸ்டர் இயக்குநர்கள் இயக்கினால் தான் நடிப்பு, பெரிய பேனர்கள் ஓகே என்று சகட்டு மேனிக்கு பில்டப் தருகிறாராம்.

தாங்குதுடா சாமி என்று தெறித்து ஓடுகிறார்கள் தயாரிப்பாளர்கள்!