"மிரட்டலா நடிச்சிருக்காங்கப்பா” - கார்த்திக் சுப்பராஜ் பாராட்டிய ஓடிடி த்ரில்லர்.. யார் ஹீரோ..? - முழு விபரம் உள்ளே!

நவீன் சந்திரா மற்றும் நந்தா தலைமையிலான ஒரு நடிகர்கள் குழு, இந்த சீரிஸில் முதன்மைப் பாத்திரங்களில் நடித்துள்ளனர்; இவர்களுடன் புத்துணர்ச்சியூட்டும் இளம் நடிகர்கள் குழுவும் சேர்ந்து இருக்கிறது. அவர்களின் அழுத்தமான நடிப்பு கதைக்கு உயிரூட்டியுள்ளதாக படக்குழு சார்பில் தெரிவிக்கப்பட்டு இருக்கிறது.

கிளாசிக் கேமின் தழுவல்:

இந்த சீரிஸ் குறித்து இயக்குநர் கார்த்திக் சுப்புராஜ் பேசும் போது, “ஸ்நேக்ஸ் & லேடர்ஸ் தனித்துவமான கதைக்களம் மற்றும் அழுத்தமான கதாபாத்திரங்களைக் கொண்ட ஒரு சூப்பரான சீரிஸ். மிக அசாதாரண சூழ்நிலைகளில் சிக்கும் சில குழந்தைகளுக்கு ஏற்படும் அனுபவங்கள் தான் இந்த சீரிஸ்; ஒவ்வொரு திருப்பத்திலும் ஆபத்து பதுங்கியிருக்கும் மிக வித்தியாசமான கதையுடன் உருவாகியிருக்கும் இந்த தமிழ் டார்க் ஹ்யூமர் த்ரில்லர் தொடர், கிளாசிக் கேமை தழுவி உருவாகியுள்ளது.” என்றார்.

இந்த தொடரில் பணிபுரிந்த அனுபவத்தைப் பற்றிப் பேசிய கார்த்திக் சுப்பராஜ், “இளம் குழுவின் முழு அர்ப்பணிப்பு மற்றும் உற்சாகத்தை வெகுவாக பாராட்டினார், "கேமராக்கள் ரோல் ஆவதற்கு முன்பே குழந்தைகள் தங்கள் பாத்திரங்களாக தயாராகி இருந்தனர். இந்த தொடரில் தங்கள் பாத்திரங்களைப் பற்றி மிகத் தெளிவுடன் தெரிந்து கொண்டு, ஆர்வமாக அர்ப்பணிப்புடன் நடித்தனர்.

உணர்வுப்பூர்வமாகவும்,உண்மையானதாகவும்

இந்த சீரிஸின் ஒரு பகுதியாக இருக்கும் ஒவ்வொரு தருணத்திலும், அவர்கள் மகிழ்ச்சியாக இருந்தனர். அவர்கள் ஒவ்வொருவரும் தங்கள் கதாபாத்திரங்களுக்கு, ஒரு புதிய ஆற்றலையும் நம்பகத்தன்மையையும் கொண்டு வந்தனர்.இதனால் கதாபாத்திரங்கள் உணர்வுப்பூர்வமாகவும், உண்மையானதாகவும் இருக்கும்.

கார்த்திக் சுப்பராஜ் தயாரிப்பு

எ ஸ்டோன் பெஞ்ச் புரொடக்‌ஷன் பேனரின் கீழ் கல்யாண் சுப்ரமணியன் தயாரித்துள்ள ஸ்நேக்ஸ் & லேடர்ஸ் சீரிஸை, கமலா அல்கெமிஸ் மற்றும் திவாகர் கமல் உருவாக்கத்தில், அசோக் வீரப்பன், பரத் முரளிதரன் மற்றும் கமலா அல்கெமிஸ் ஆகியோர் இயக்கியுள்ளனர்.

இந்தத் தொடரில் நவீன் சந்திராவுடன் நந்தா, மனோஜ் பாரதிராஜா, முத்துக்குமார், ஸ்ரிந்தா, ஸ்ரீஜித் ரவி, எம்.எஸ். சம்ரித், எஸ். சூர்யா ராகவேஷ்வர், எஸ். சூர்யகுமார், தருண் யுவராஜ் மற்றும் சாஷா பரேன் ஆகியோர் முக்கிய வேடங்களில் நடித்துள்ளனர்.

அக்டோபர் 18 முதல், இந்த சீரிஸ், பிரைம் வீடியோவில் பிரத்யேகமாகத் திரையிடப்பட உள்ளது. தமிழ், தெலுங்கு, மலையாளம், கன்னடம் மற்றும் இந்தி மொழிகளில் டப் செய்யப்பட்டு, இந்தியாவெங்கும் உள்ள பார்வையாளர்கள் அணுகும் வகையில் திரையிடப்படுகிறது.