Karthigai Deepam: ஊசலாடும் தீபாவின் உயிர்.. கடவுளை அழைக்கும் நர்ஸ்கள்.. கலக்கத்தில் கீதா! - கார்த்திகை தீபம் அப்டேட்!
Karthigai Deepam: தீபாவை காப்பாற்ற கீதா எடுத்த முடிவு.. கார்த்திக் செய்யப் போவது என்ன? - கார்த்திகை தீபம் அப்டேட்!
தமிழ் சின்னத்திரையில், ஜீ தமிழ் தொலைக்காட்சியில் தினம்தோறும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலின் நேற்றைய எபிசோடில் அபிராமி கோயிலில் வைத்து, கீதா கழுத்தில் கார்த்திக்கை தாலி கட்ட சொல்ல, அவன் இது தீபாவே இல்லை என்ற உண்மையை உடைத்தான். இந்த நிலையில் இன்றும் நாளையும் நடக்கப்போவது என்ன என்பது குறித்து பார்க்கலாம்.
போராடும் சக்தி
வீட்டிற்கு வந்த கார்த்திக், தீபாவின் நினைவுகளை நினைத்து கீதாவிடம் வருத்தத்துடன் பேசுகிறான். மறுபக்கம், துங்காவிடமிருந்து தப்பித்து ஆசிரமத்திற்கு வந்து சேர்ந்த சக்தி, நடந்த விஷயங்களை அங்கு இருக்கும் நர்ஸ்ஸிடம் சொல்கிறாள்.
அது மட்டுமின்றி, தீபாவின் உடல்நிலையில் எந்த முன்னேற்றமும் இல்லாமல் இருக்க, அவள் பாடிய பாடலையே எல்லோரும் சேர்ந்து பாடினால், தீபாவுக்கு உடல்நிலை சரியாக வாய்ப்பு உள்ளது என ஒன்று சேர்ந்து பாட முடிவெடுக்கின்றனர்.
முடிவில் உறுதியாக இருக்கும் அபிராமி
இன்னொரு பக்கம், அபிராமி தீபா நல்லபடியாக திரும்பி வரவேண்டும் என கோயிலுக்கு வந்து தீச்சட்டி எடுக்க, கார்த்திக் உட்பட எல்லோரும் அது வேண்டாம் என தடுக்க முயற்சி செய்கிறார்கள். ஆனால், அபிராமி தனது முடிவில் உறுதியாக இருக்கிறாள். தீபாவுக்காக மொத்த குடும்பமும் காத்திருப்பதை பார்த்த கீதா, நான் இந்த வீட்ல இருக்கிற வரைக்கும் துங்கா தீபாவை விட மாட்டான் என கணக்கு போடுகிறாள்.
ஆகையால், தீபா திரும்பவும் இந்த வீட்டுக்கு வரணும்னா, நான் துங்காவிடம் சரணடைவது தான் சரி என முடிவெடுக்கிறாள். இது குறித்து கார்த்திக்கிடம் மன்னிப்பு கேட்டு, ஒரு லெட்டர் எழுதுகிறாள். இந்த லெட்டரை ஐஸ்வர்யா பார்த்துவிட்டு மீனாட்சி போனில் இருந்து துங்காவிற்கு ஃபோன் போட்டு உன்னைய உடனடியா பாக்கணும் என பேசுகிறாள். இப்படியான நிலையில் அடுத்ததாக நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.
நேற்றைய எபிசோடில் நடந்தது என்ன?
துங்காவிடம் இருந்து தங்களை காப்பாற்றிக்கொள்ளதீபாவும், நர்ஸ் சக்தியும் கோயிலுக்குள் வந்து ஒளிந்து கொண்டனர். இன்னொரு பக்கம், அபிராமி தாலியை எடுத்து கார்த்திக்கிடம் கொடுத்து, தீபா கழுத்தில் கட்டுப்பா என்று சொல்ல கார்த்திக், கீதா ஆகியோர் அதிர்ச்சி அடைந்தனர்.
அதனை தொடர்ந்து, கார்த்திக் வேறு வழியின்றி இது தீபா இல்ல தீபா மாதிரியே இருக்கிற கீதா என்ற உண்மையை உடைத்தான். தொடர்ந்து, தீபா எங்க இருக்கா என்றே தெரியவில்லை என்று சொல்ல அனைவரும் பேரதிர்ச்சி அடைகின்றனர்.
அதன் பிறகு அபிராமி கீதாவிடம், கார்த்திக் என்னை காப்பாற்ற தான் இப்படி பண்ணி இருக்கான். நீ தீபான்னு நினைச்சி தான் இப்படி பண்ணிட்டேன் என்று சொல்லி, மன்னிப்பு கேட்டு அங்கிருந்து கிளம்பி சென்றாள். அதே கோயிலில் தீபாவும் நர்ஸ் சக்தியும் ஒளிந்திருக்க, கார்த்திக் அவர்களை பார்ப்பானா என்ற பில்டப் எகிறுகிறது. ஆனால், அவன் பார்க்காமல் மிஸ் ஆகி விடுகிறது.
பொறுப்புத் துறப்பு:
இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.
தொடர்புடையை செய்திகள்
டாபிக்ஸ்