கார்த்திக்காக போட்டி போட்டு நடக்கும் உபசரிப்பு.. சாமுண்டீஸ்வரி புடவையில் பற்றிய தீ - கார்த்திகை தீபம் அப்டேட்
கார்த்திக்காக போட்டி போட்டு நடக்கும் உபசரிப்பு.. சாமுண்டீஸ்வரி புடவையில் பற்றிய தீ - கார்த்திகை தீபம் இன்றைய எபிசோட் அப்டேட்.!
தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் சனி வரை இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலின் சனிக்கிழமை எபிசோடில் கார்த்திக் ராஜராஜனையும் பரமேஸ்வரி பாட்டியையும் சந்திக்க வைக்க செய்திருந்த ஏற்பாடு தோல்வியில் முடிந்த நிலையில் இன்று நடக்கப் போவது என்ன என்பது குறித்து பார்க்கலாம் வாங்க.
அதாவது, ராஜராஜன் தனது மனதுக்குள் இருக்கும் மனக்குமுறலை கார்த்திக்கிடம் வெளிப்படுத்துகிறார். இரவானதும் கார்த்திக் தூங்க சென்றுவிட, ரேவதி அவனுக்கு சாப்பாடு கொண்டு வந்து சாப்பிட சொல்கிறாள்.
நீங்களும் எங்க வீட்ல ஒருத்தர் தான் நீங்க சாப்பிடாம இருந்தா எப்படி இருக்கும் சாப்பிடுங்க என்று சொல்ல, கார்த்தி உங்களுக்கு தேவைன்னா உங்க வீட்ல ஒருத்தன் இல்லன்னா, யாரோவாவா என்று கேள்வி கேட்க இனிமே அப்படி சொல்ல மாட்டேன். சாப்பிடுங்க, நீங்களும் எங்க குடும்பத்துல ஒருத்தர் தான் என பதில் சொல்கிறாள்.