தீபாவை நெருங்கும் கார்த்திக்...தப்பிச் சென்ற துங்கா பரபிரப்பில் கார்த்திகை தீபம் சீரியல்!

தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் சனி வரை தினமும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம்.

இந்த சீரியலில் நேற்றைய எபிசோடில் தீபாவை அழைத்து வந்த வேன் பிரேக் பிடிக்காமல் கட்டுப்பாட்டை இழந்து நின்று நிலையில், இன்று நடக்கப் போவது என்ன என்பது குறித்து பார்க்கலாம் வாங்க.

கார்த்திக்கிற்கு கிடைத்த துருப்பு

அதாவது, இவர்களுடன் வந்த ஒரு பையன், பாத்ரூம் செல்ல இவர்கள் அவனை கவனிக்காமல் சென்று விடுகின்றனர். இதனால் அந்த சிறுவன் வழி தெரியாமல் நின்று கொண்டிருக்க அந்த வழியாக இன்ஸ்பெக்டர் சரவணன் மற்றும் கார்த்திக் வருகின்றனர்.

சிறுவன் தனியாக இருப்பதை பார்த்து விசாரிக்க, அவன் ஆசிரமத்தில் இருந்து பாட்டுக் கச்சேரி நடக்கும் இடத்திற்கு செல்வதற்காக வந்ததாகவும், தன்னை விட்டு விட்டுச் சென்று விட்டதாகவும் சொல்கிறான். கார்த்திக் அந்த பாடகியின் பெயர் தீபாவா என்று கேட்க, அந்த பையன் ஆமாம் என்று சொல்ல உன்னை நாங்க கூட்டிட்டு போறோம் என்று சொல்கிறான்.

சக்தி நர்ஸ் திரும்பி வர வாய்ப்பு இருப்பதால், கார்த்திக் பக்கத்தில் இருக்கும் கடைக்காரனிடம் விஷயத்தை சொல்லிவிட்டு அங்கிருந்து கிளம்பி செல்கிறான். பிறகு சக்தி நர்ஸ், அந்த பையனை தேடி திரும்ப வர கடைக்காரர் விஷயத்தை சொல்ல, கார்த்திக் தான் அழைத்துச் சென்றது என அறிந்து நிம்மதி அடைகிறார்.

துங்காவை போலீஸ் விசாரணைக்காக

மறுபக்கம் துங்காவை போலீஸ் விசாரணைக்காக அழைத்து வந்திருக்க, துங்கா பசிக்கிறது என்று சொல்ல, அவனை போலீஸ் கடைக்கு அழைத்து செல்லும்போது போலீசின் கவனத்தை திசை திருப்பி தப்பி செல்கிறான். இன்னொரு பக்கம் கச்சேரி நடத்தும் இடத்தில் தீபா வருவாள் என்ற நம்பிக்கையுடன் அபிராமி குடும்பத்தினருடன் காத்துக் கொண்டிருக்கின்றனர்.

இப்படியான நிலையில் அடுத்ததாக நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.