Kantara Chapter 1: சிவனின் வியர்வையில் இருந்து..களமிறங்கும் கடம்ப வம்சம்;காந்தாரா சாப்டர் 1 ல் ஒளிந்திருக்கும் ரகசியம்!

காந்தாரா திரைப்படத்தில் ரிஷப் 3 விதமான தோற்றங்களில் நடித்திருந்தார். இதில் அவர் ஏற்று நடித்த பஞ்சுருளி தெய்வ கதாபாத்திரம், மக்கள் மத்தியில் மிகப்பெரிய வரவேற்பை பெற்றது. 

இந்த நிலையில் தற்போது வெளியாகி இருக்கும் டீசரில் ரிஷப் ஷெட்டி புதிய அவதாரத்தில் காட்சியளிக்கிறார். கட்டுமஸ்தான உடற்கட்டுடன், கையில் சூலம் ஏந்தி, விரிந்த தலைமுடியுடன் உக்கிரமாக காட்சி அளித்துக்கொண்டிருக்கிறார்.  இந்த டீசரில்  ‘கடம்பா ஆட்சி காலத்தில்’ என்ற வசனம் வருகிறது.

இந்த வசனம் இந்தப்படம் 300 CE (பொது ஆண்டு) காலத்தில் நடைபெறும் திரைப்படமா என்ற கேள்வியை எழுப்பி இருக்கிறது. 345- 540 CE வரையிலான பொது ஆண்டு காலக்கட்டத்தில் வாழ்ந்த கடம்பர்கள், கர்நாடகாவை சேர்ந்த பண்டைய அரச குடும்பம் ஆகும். அவர்கள் கர்நாடக் மாநிலத்தையும், கொங்கனையும் ஆட்சி செய்தனர். சிவபெருமானின் வியர்வையிலிருந்து திரிலோச்சனா கடம்பம் தோன்றியதாக, புராணக்கதை கூறுகிறது