Kanguva glimpse: சூர்யா லுக் ஓகே.. ஆனா கிராபிக்ஸ்.. திருப்தி தந்ததா கங்குவா.. - கிளிம்ப்ஸ் வீடியோ இங்கே!

பின்னணியில் அவருக்கான பெருமைகள் பேசப்படுகின்றன. தொடர்ந்து வீரர் ஒருவர் மீது சூர்யா ஈட்டியை எறிய அவர் சாய்ந்து கீழே விழுகிறார். தொடர்ந்து ஆக்ரோஷமாக முகமூடியுடன் சூர்யா ஓடி வர, அவரின் நெஞ்சில் கிடக்கும் புலி நகங்கள் குலுங்குகின்றன. தொடர்ந்து பெரும்படைகள் சூர்யாவுடன் நிற்க, அவர் சத்தம் கொடுத்த உடன் அம்புகள் பாய்கின்றன. தொடர்ந்து ஆக்ரோஷமாக நம் கண்முன்னே நெருக்கமாக வரும் சூர்யா நலமா என்று கேட்கிறார். இப்படியாக அந்த வீடியோ முடிகிறது.

சூர்யாவின் தோற்றம் உண்மையிலேயே ரசிக்கும் படியாக இருக்கிறது. அதே போல வசனங்களும் புது விதமான அனுபவத்தைக் கொடுக்கிறது. பின்னணி இசையும் காட்சிகளோடு ஒன்றிப்போகிறது. ஆனால் கிராஃபிக்ஸ் காட்சிகளின் தரம் திருப்தியாக இல்லை. இந்த கிளிம்ப்ஸ் வீடியோவை அவரது ரசிகர்கள் கொண்டாடி வருகின்றனர்.

மிகப்பெரிய எதிர்பார்ப்பை ஏற்படுத்தியிருக்கும் இந்தப்படத்தை ‘சிறுத்தை’ ‘ வீரம்’ ‘விவேகம்’ ‘ விசுவாசம்’ உள்ளிட்ட திரைப்படங்களை இயக்கிய இயக்குநர் சிவா இயக்கி இருக்கிறார். பாலிவுட் நடிகை திஷா பதானி இந்தப்படத்தின் கதாநாயகியாக ஒப்பந்தம் செய்யப்பட்டு இருக்கிறார். 

மேலும் நடிகர்கள் யோகிபாபு, ஜகபதி பாபும், நடராஜன் சுப்ரமணியம், ஆனந்த ராஜ், கோவை சரளா உள்ளிட்ட பலர் நடித்திருக்கிறார்கள். இசையமைப்பாளர் தேவி ஸ்ரீ பிரசாத் இந்தப்படத்திற்கு இசையமைத்து இருக்கிறார். ஸ்டியோ கிரீன் மற்றும் யூவி கிரியேஷன்ஆகிய நிறுவனங்கள் இணைந்து இந்தப்படத்தை தயாரித்திருக்கின்றனர்.