Kanguva First Look Poster: கையில் வாலுடன் போருக்கு செல்லும் சூர்யா.. மாஸான கங்குவா ஃபர்ஸ்ட் லுக் போஸ்டர்
கங்குவா படத்தின் ஃபர்ஸ்ட் லுக் போஸ்டர் வெளியாகி உள்ளது.
தமிழ் சினிமாவின் முன்னணி நடிகர் சூர்யா. இவர் இன்று தன்னுடைய 48 வது பிறந்தநாளை கொண்டாடுகிறார். அவரின் பிறந்தநாள் பரிசாக அவர் தற்போது நடித்துக் கொண்டிருக்கும் கங்குவா படத்தின் கிளிம்ப்ஸ் வீடியோ இன்று அதிகாலை 12 மணிக்கு வெளியானது.
இந்நிலையில் அதைத் தொடர்ந்து தற்போது, படத்தின் ஃபர்ஸ்ட் லுக் போஸ்டரை படக்குழு வெளியிட்டது. அதில் நடிகர் சூர்யா போரில் உள்ள இடத்தில் குதிரை மேல் கோபமாக அமர்ந்து வாலுடன் எங்கோ செல்வது போல் உள்ளது. இந்த போஸ்டர் சமூக வலைதளங்களில் வைரலாகி வருகிறது.
மிகப்பெரிய எதிர்பார்ப்பை ஏற்படுத்தியிருக்கும் இந்த படத்தை ‘சிறுத்தை’, ‘ வீரம்’, ‘விவேகம்’, ‘ விஸ்வாசம்’ உள்ளிட்ட திரைப்படங்களை இயக்கிய இயக்குநர் சிறுத்தை சிவா இயக்கி இருக்கிறார். பாலிவுட் நடிகை திஷா பதானி இந்தப்படத்தின் கதாநாயகியாக ஒப்பந்தம் செய்யப்பட்டு இருக்கிறார்.
மேலும் நடிகர்கள் யோகிபாபு, ஜகபதி பாபும், நடராஜன் சுப்ரமணியம், ஆனந்த ராஜ், கோவை சரளா உள்ளிட்ட பலர் நடித்திருக்கிறார்கள். இசையமைப்பாளர் தேவி ஸ்ரீ பிரசாத் இந்தப்படத்திற்கு இசையமைத்து இருக்கிறார். ஸ்டியோ கிரீன் மற்றும் யூவி கிரியேஷன்ஆகிய நிறுவனங்கள் இணைந்து இந்தப்படத்தை தயாரித்திருக்கின்றனர்.
3டி முறையில் சரித்திரப் படமாக 10 மொழிகளில் வெளியாக உள்ள இந்த படத்தின் படப்பிடிப்பு கோவா, சென்னை, கொடைக்கானல் உள்ளிட்ட நகரங்களில் நடந்து வந்தது. பின்பு மீண்டும் சென்னையில் படப்பிடிப்பு முழு வீச்சில் நடந்து வருகிறது.
முன்னதாக வெளியாக கிளிம்ப்ஸ் வீடியோவில், “போரில் வீழ்ந்து கிடக்கும் வீரர்களோடு ஆரம்பிக்கும் அந்த வீடியோவில் ஈட்டியில் தீயோடு அறிமுகமாகிறார் நடிகர் சூர்யா.
பின்னணியில் அவருக்கான பெருமைகள் பேசப்படுகின்றன. தொடர்ந்து வீரர் ஒருவர் மீது சூர்யா ஈட்டியை எறிய அவர் சாய்ந்து கீழே விழுகிறார். தொடர்ந்து ஆக்ரோஷமாக முகமூடியுடன் சூர்யா ஓடி வர, அவரின் நெஞ்சில் கிடக்கும் புலி நகங்கள் குலுங்குகின்றன. தொடர்ந்து பெரும்படைகள் சூர்யாவுடன் நிற்க, அவர் சத்தம் கொடுத்த உடன் அம்புகள் பாய்கின்றன. தொடர்ந்து ஆக்ரோஷமாக நம் கண்முன்னே நெருக்கமாக வரும் சூர்யா நலமா என்று கேட்கிறார். இப்படியாக அந்த வீடியோ” முடிந்தது.
இன்று சூர்யா பிறந்தநாளை முன்னிட்டு வெளியான இரண்டு அப்டேட்களும் ரசிகர்களை மிகிழ்ச்சி அடைய செய்தது.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்