Emergency: பணிந்தது எமர்ஜென்சி.. இதனால் எந்த பாதிப்பும் இல்லையாம்.. கடுப்பின் உச்சத்தில் நடிகை!

தாம்தூம் மூலம் அறிமுகம்

தமிழில் ஜெயம்ரவி நடிப்பில் வெளியான தாம்தூம் திரைப்படத்தின் மூலம் தமிழ் மக்களிக்கு பரிட்சையமானவர் கங்கனா ரணாவத். இவர் தன் அசைக்க முடியாத நடிப்புத் திறமையால் பாலிவுட்டின் முக்கிய கதாநாயகிகளில் ஒருவரானார். 

இயக்குநர் அவதாரம்

இதையடுத்து, படம் நடிப்பதுடன் அதனை இயக்கவும் எண்ணி, மறைந்த பிரதமர் இந்திரா காந்தியின் வாழ்க்கை வரலாற்றை மையமாக வைத்து எமர்ஜென்சி என்ற படத்தை இயக்கியுள்ளார் கங்கனா. இந்தப் படத்தில் இந்திரா காந்தி கதாப்பாத்திரத்திலும் இவரே நடித்துள்ளார்.

இந்நிலையில், இந்தப் படத்தின் படப்பிடிப்பு பணிகள் நிறைவடைந்து வெகுநாட்கள் ஆகியும் தணிக்கை சான்றிதழ் கிடைக்காத காரணத்தினால், திரைக்கு வராமலே உள்ளது.

தணிக்கை பிரச்சனை

உண்மை சம்பவத்தை அடிப்படையாக எடுக்கப்பட்ட இந்தப் படத்தில் மத நம்பிக்கை குலைக்கும் விதமாகவும் வன்முறையைத் தூண்டும் விதமாகவும், குறிப்பாக சீக்கியர்கள் குறித்து தவறான சித்தரிப்புகள் உள்ளதாகக் கூறி தணிக்கை வாரியம் 13 இடங்களில் திருத்தம் கூறியுள்ளது.

உறுதியாக இருந்த கங்கனா

ஆனால், இப்படத்தின் இயக்குநர் கங்கனாவோ, இந்தப் படத்தில் உள்ள அனைத்து காட்சிகளும் உண்மையானவை. தணிக்கை வாரியத்தின் கருத்து நியாயமற்றதாக உள்ளது. பல வரலாற்று ஆய்வாளர்கள் படத்தை பாராட்டிய பின்னரும், படத்தின் காட்சிகளை நீக்கவும், திருத்தம் செய்யவும் கூறி தணிக்கை வாரியம் நிர்பந்திக்கிறது. அதுமட்டுமின்றி, எமர்ஜென்சி திரைப்படம், அதன் உண்மைத் தன்மையிலிருந்து ஒரு துளி சதவீதம் கூட விலகாமல் நிற்கிறது. அப்படி இருக்கையில் எதற்காக காட்சிகளில் திருத்தம் செய்ய வேண்டும். நாங்கள் இந்தப் படத்தின் உரிமைக்காக போராட தயாராக உள்ளோம் என திட்டவட்டமாக கூறியுள்ளார்.

இவரைப் போன்றே தணிக்கை வாரியமும் திட்டவட்டமாக இருப்பதால், கங்கனா ரணாவத் மற்றும் தயாரிப்பு நிறுவனமான ஜீ ஸ்டூடியோஸ் நிறுவனம் இணைந்து, படத்தை வெளியிட உத்தரவிடுமாறு மும்பை உயர் நீதிமன்றத்தில் வழக்கு தொடர்ந்துள்ளது.

கரார் காட்டிய தணிக்கை வாரியம்

இதற்கு பதிலளித்த, தணிக்கை வாரியம், எமர்ஜென்சி படத்தில் இடம்பெற்ற காட்சிகளில் 13 இடங்களில் திருத்தம் செய்யுமாறு கேட்டுள்ளோம். அதில், 4 இடங்களில் காட்சிகளை வெட்டுமாறும், 3 இடங்களில் திருத்தம் செய்யுமாறும் 6 இடங்களில் புதிய. காட்சிகளை சேர்க்குமாறும் தெரிவித்துள்ளோம்.

குறிப்பாக சீக்கியர்கள் அல்லாதவர்களை சீக்கியர்கள் துப்பாக்கியால் சுடும் காட்சியை அகற்றுமாறு கூறியுள்ளோம். அதை படக்குழு செய்ய மறுக்கிறது. ஒருவேளை படக்குழு அந்தத் திருத்தங்களை செய்தால் எமர்ஜென்சி படத்திற்கு யு.ஏ. சான்று வழங்கப்படும் என கராராக பேசியது.

முடிவை மாற்றிய கங்கனா

இதையடுத்து, படத்தின் வெளியீட்டிற்காக தனது வீடு உள்ளிட்ட பல்வேறு சொத்துகளை விற்ற கங்கனா இறுதியில், தணிக்கை வாரியத்தின் முடிவுக்கு பணிந்தார். இதையடுத்து விரைவில், கங்கனா ரணாவத்தின் எமெர்ஜென்சி திரைப்படம் திரைக்கு வரும் என எதிர்பார்க்கலாம்.

கங்கனா ரணாவத் இப்போது வெறும் நடிகையாகவும், இயக்குநகாரவும் மட்டும் அல்லாமல் ஆளும் பாஜக அரசின் எம்பியாகவும் உள்ளார். ஒரு எம்பிக்கே இந்த நிலையா என பலரும் கருத்து தெரிவித்து வருகின்றனர்.