Balu Mahendra: ‘முதல் மனைவியும் வேணும் நீயும்’- ஷோபா உயிரை குடித்த வார்த்தை; புண்ணான பாலு; மூன்றாம் பிறை உருவான கதை!

காதல் மோகம்

அவர் பேசும் போது, “எல்லாவற்றிலும் அதீத தன்மையோடு இருப்பவனால்தான் கலைஞன் ஆக முடியும். ஷோபாவை பாலு மகேந்திரா அறிமுகப்படுத்தினார். அவரை பாதுகாப்பதற்காக அவர் சில விஷயங்களை செய்தார். அந்த சமயத்தில் அவருக்கு திருமணம் ஆகி இருந்த பொழுதும், ஷோபாவின் மீது, அவரது மனம் வசப்பட்டு விட்டது. 

இருப்பினும், அவர் முதல் மனைவியை விட்டுக் கொடுக்க விரும்பவில்லை. இரண்டாவது மனைவியாக ஷோபாவை ஏற்றுக் கொண்டு, அவருடனும் வாழ்ந்து வந்தார். இந்த நிலையில் ஒரு இரவு ஷோபாவுக்கும், பாலுவுக்கும் இடையே பயங்கர தகராறு நடந்தது. அது என்னவென்றால் ஷோபா பாலுவை, நீங்கள் உங்களது முதல் மனைவியை விட்டுக் கொடுத்து விடுங்கள். நீங்கள் முழுக்க முழுக்க எனக்கு சொந்தமாக வேண்டும் என்றார். 

அகதி பாலுமகேந்திரா

பாலு, ஈழத்திலிருந்து இந்தியாவிற்கு அகதியாக வந்தவர். அப்போது இந்தியாவில் அவருக்கான சூழல் எப்படி இருக்கும் என்பதை நீங்கள் யூகித்துக் கொள்ளலாம். இந்த நிலையில் தான் ஷோபாவிடம் பாலு மகேந்திரா, ஒருத்தியை கரம் பிடித்து விட்டு உன்னை காதலித்ததே தவறு. அப்படி ஒரு தவறு நிகழ்ந்திருக்கும் பட்சத்தில், நான் அவளை கைவிட்டால் எப்படி மனசாட்சி இடம் கொடுக்கும் என்று கேள்வி கேட்டார். 

ஆனாலும், ஷோபா விட்டுக் கொடுக்காமல் பிடிவாதமாக நின்றார். தொடர்ந்து, நீங்கள் உங்களது முதல் மனைவியை தேடி போனீர்கள் என்றால், இங்கே நடப்பதே வேறு என்று சொல்லி ஆரம்பித்து விட்டார். பாலு மகேந்திரா அதை கண்டுகொள்ளாமல், அந்த இரவு முதல் மனைவியின் வீட்டிற்கு சென்றார். அந்த இரவு ஷோபா தன்னுடைய வீட்டில் துயரம் தாளாமல் தூக்கிட்டு தற்கொலை செய்து கொண்டார். 

கொலையாக மாறிய தற்கொலை

அப்போது திரைத்துறையில் பாலு மகேந்திரா செலுத்திக் கொண்டிருந்த ஆதிக்கம் என்பது யாராலும் நிரப்ப முடியாததாக இருந்தது. இந்த நிலையில் அந்த ஆளுமையை வெல்ல முடியாதவர்கள், அவரை களங்கப்படுத்த வேண்டும் என்று இந்த தற்கொலையை, கொலையாக மாற்றி விட்டார்கள். விஷயம் பெரிய பூதாகரமாக மாறிவிட்டது. பாலுமகேந்திராவை காவல்துறையினர் கைது செய்து விசாரணை நடத்தினர். அங்கு அவருக்கு காவல்துறை மூலம் சித்திரவதைகளும் அரங்கேற்றப்பட்டன. கிட்டத்தட்ட ஆறு மாதங்கள் அவர் மன அழுத்தத்திலேயே இருந்தார். அவை அனைத்தையும் சேர்த்து வைத்துதான் அவர் மூன்றாம் பிறை படத்தை எடுத்தார். மூன்றாம் பிறை படத்தில் கிளைமாக்ஸ் -ல்  தன்னை விட்டு செல்லும் ஸ்ரீதேவியை பார்த்து கமல்ஹாசன் வெளிப்படுத்தும் ஆற்றாமையும், தவிப்பும் ஷோபா பாலுமகேந்திராவை விட்டுச் செல்லும் பொழுது, அவருக்கு நிகழ்ந்தது. அதைத்தான் அவர் காட்சியாக வைத்தார்.” என்று பேசினார். 

பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் பேட்டியில் பேசிய நபரின் தனிப்பட்ட கருத்துக்கள் ஆகும். எங்கள் நோக்கம் தகவல்களை வழங்குவது மட்டுமே. இந்த தகவல்களுக்கும் ஹிந்துஸ்தான் தமிழ் இணையதளத்திற்கும் சம்பந்தம் கிடையாது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9