தமிழ் செய்திகள்  /  Entertainment  /  It Has Been 55 Years Since The Release Of The Film Thanga Surangam

சிபிஐ சிவாஜி.. ஜேம்ஸ் பாண்ட் பாணியில் ஒரு படம்.. விறுவிறுப்பான திரைக்கதை.. 55ஆம் ஆண்டில் தங்கச் சுரங்கம்

Suriyakumar Jayabalan HT Tamil
Mar 28, 2024 05:45 AM IST

55 Years of Thanga Surangam: தங்கச் சுரங்கம் திரைப்படம் இன்றுடன் வெளியாகி 55 ஆண்டுகளாகின்றன. சிவாஜி கணேசனின் சினிமா பயணத்தில் தவிர்க்க முடியாத மிக முக்கிய திரைப்படங்களில் தங்கச் சுரங்கம் படமும் ஒன்று என கூறினால் அது மிகையாகாது.

தங்கச் சுரங்கம்
தங்கச் சுரங்கம்

ட்ரெண்டிங் செய்திகள்

கட்டபொம்மன், கர்ணன், வ.உ.சிதம்பரனார் என அனைவரையும் நம் கண் முன் நிறுத்தியது நடிகர் சிவாஜி கணேசன் தான். அப்படிப்பட்ட சிவாஜி கணேசன் என்று திரை வாழ்க்கையில் ஒரு திரில்லர் திரைப்படம் தான் இந்த தங்க சுரங்கம். ஜேம்ஸ்பாண்ட் பாண்டியன் முதல் முறையாக சிவாஜி கணேசன் நடித்த திரைப்படம் தான் இது.

இந்த திரைப்படத்தை டி.ஆர். ராமண்ணா இயக்குனர். டி.கே.ராமமூர்த்தி என்பவரின் இசையில் வெளிவந்த இந்த திரைப்படத்தின் பாடல்கள் அனைத்தும் மிகப்பெரிய வெற்றி பெற்றன.

கதை

இரண்டாம் உலகப்போர் நடந்து கொண்டிருந்த பொழுது காமாட்சி என்ற பெண் தனது மகனை அழைத்துக் கொண்டு பர்மாவிற்கு செல்கிறார். தனது மகன் ராஜனை அங்கே இருந்த பாதிரியாரிடம் ஒப்படைத்து விட்டு அவர் சென்று விடுகிறார். பாதிரியாரிடம் வளர்ந்த ராஜன் மிகப்பெரிய சிபிஐ அதிகாரியாக உருவெடுக்கிறார்.

நாட்டில் கள்ளத்தனமாக தங்கம் தயாரிக்கும் கும்பலை பிடிப்பதற்காக பர்மாவில் இருந்து மீண்டும் இந்தியாவிற்கு ராஜன் வருகிறார். அந்த ராஜன் வேறு யாரும் கிடையாது அவர்தான் சிவாஜிகணேசன். சுப்பையா என்ற விஞ்ஞானி தங்கத்தை உருவாக்க முயற்சி செய்யும் பொழுது எதார்த்தமாக போலியான ஒரு தங்கத்தில் உருவாக்கி விடுகிறார். அந்த கள்ளக் கடத்தல் கும்பலின் தலைவனாக ஓ.ஏ.கே. தேவர் இருப்பார். கள்ள தங்கத்தை தயாரிப்பதற்காக விஞ்ஞானியாக இருக்கக்கூடிய சுப்பையாவை பணய கைதியாக வைத்து கள்ளக் கடத்தல் செய்து சொத்துக்களை குவித்து வருவார்.

இவர்களை பிடிப்பதுதான் சிபிஐ அதிகாரியாக இருக்கக்கூடிய சிவாஜி கணேசனின் வேலை. விஞ்ஞானி குறித்து சிவாஜி கணேசன் விசாரணையில் இறங்கும் பொழுது அவருடைய மகளிடம் விசாரணை செய்கிறார் அவர்தான் நடிகை பாரதி, இவருக்கும் அதற்கு பிறகு காதல் ஏற்படுகிறது.

பல இன்னல்களைத் தாண்டி கள்ளக் கடத்தல் தலைவனை சிவாஜி கணேசன் நெருங்கும் போது அவருக்கு ஒரு ஆச்சரியமான விஷயம் காத்திருக்கின்றது. மொத்த கள்ள கடத்தலையும் செய்து தலைவனாக விளங்கக்கூடிய தேவர் தான் தனது தந்தை என சிவாஜி கணேசனுக்கு தெரிய வருகிறது. பிறகு அந்த தலைவனை தந்தையாக இருந்தாலும் சட்டத்தின் முன்பு நிறுத்த வேண்டும் என கைது செய்து சிறை ஏற்றுகிறார். அதற்காக தங்கப்பதற்கும் பெருகின்றார் சிவாஜி கணேசன்.

விறுவிறுப்பான திரைக்கதை கொண்ட இந்த திரைப்படம் வெளியான காலத்தில் மிகப்பெரிய வெற்றியை பெற்றது என சிவாஜி கணேசன் ரசிகர்கள் கூறுகின்றனர். இந்த திரைப்படத்தில் இடம்பெற்ற பாடல்கள் அனைத்தையும் கண்ணதாசன் எழுதியுள்ளார்.

நான் பிறந்த நாட்டு, சந்தனக்கூடத்துக்குள்ளே, கட்டழகு பாப்பா என அனைத்து பாடல்களையும் இன்றுவரை பழைய பாடல் விரும்பிகள் அசராமல் கேட்டு வருகின்றனர். அந்த அளவிற்கு இந்த படத்தின் பாடல்கள் வெற்றியை கொடுத்தன. இந்த திரைப்படம் இன்றுடன் வெளியாகி 55 ஆண்டுகளாகின்றன. சிவாஜி கணேசனின் சினிமா பயணத்தில் தவிர்க்க முடியாத மிக முக்கிய திரைப்படங்களில் தங்கச் சுரங்கம் படமும் ஒன்று என கூறினால் அது மிகையாகாது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

https://twitter.com/httamilnews

 

Google News: https://bit.ly/3onGqm9

 

 

IPL_Entry_Point

டாபிக்ஸ்