Indian 2 Controversy: இ- சேவா சங்கத்தினர் வழியில் வந்த சர்ச்சை! ஆதார் கார்டு தொடர்பான காட்சியை நீக்க வலுத்த கோரிக்கை

இ-சேவா சங்கத்தின் புகார்

கடந்த 1996இல் வெளியான இந்தியன் படத்தின் இரண்டாம் பாகமாக இந்தியன் 2 கடந்த 12ஆம் தேதி வெளியானது. லஞ்சம், ஊழலுக்கு எதிரான கதையம்சம் கொண்ட இந்தியன் 2 படத்துக்கு கலவையான விமர்சனங்கள் வெளிவந்துள்ளன.

இதையடுத்து படத்தில் ஒரு காட்சியில் ஆதார் கார்டு வழங்குவதற்கு இ-சேவா ஊழியர் ரூ. 300 லஞ்சம் பெறுவது போல் காட்சி அமைந்திருக்கும். இதைத்தொடர்ந்து இந்த காட்சிக்கு ஆட்சோபனை தெரிவித்துள்ள இ-சேவா சங்கத்தினர், குறிப்பிட்ட காட்சியை நீக்குமாறு கோரிக்கை வைத்துள்ளனர்.

தங்களது பணிகளையும், கடமையையும் செய்வதற்கு இ-சேவா பணியாளர்கள் லஞ்சம் வாங்வது கிடையாது என வாதம் முன் வைத்துள்ளனர். அத்துடன் நாட்டில் நிலவும் பல்வேறு குற்றங்களை பற்றி பேசாமல் இருப்பது குறித்து கேள்வி எழுப்பியுள்ளனர்.

இ-சேவா பணியாளர்களை இழிவுபடுத்தும் விதமாக இந்த காட்சி இருப்பதாக புகார் தெரிவித்திருப்பதுடன், குறிப்பிட்ட காட்சியை நீக்குவதற்கு அரசு உதவி புரிய வேண்டும் என கோரிக்கை வைத்துள்ளனர். இ-சேவா சங்கத்தினரின் இந்த கோரிக்கையால் இந்தியன் 2 படத்துக்கு முதல் சர்ச்சை ஏற்பட்டுள்ளது.

இந்தியன் 2 நீளம் குறைப்பு

தொடர்ந்து சந்தித்து வரும் எதிர்மறை விமர்சனங்கள் காரணமாக அதிரடி முடிவாக இந்தியன் 2 படத்தின் நீளத்தை சுமார் 12 நிமிடம் வரை படக்குழுவினர்கள் குறைத்துள்ளனர். ரிலீஸின் போது 3 மணி நேரம் வரை இருந்தது. தற்போது ட்ரிம் செய்யப்பட்டு திரையிடப்பட்டு வரும் நிலையில், இ-சேவா சங்கத்தினரின் கோரிக்கையால் சிக்கல் எழுந்துள்ளது.

இந்த விவகாரம் தொடர்பாக சர்ச்சை வெடித்தால் படத்தின் நீளம் மேலும் குறையக்கூடும்.

மீண்டும் சேனாபதியாக கமல்

இந்தியன் முதல் பாகத்தில் சுதந்திர போராட்ட தியாகி, லஞ்சம் வாங்குபவர்கள் குத்தி கொலை செய்யும் முதியவராக சேனாபதி என்ற கதாபாத்திரத்தில் கமல்ஹாசன் நடித்திருப்பார். அதில் இந்தியாவின் பண்டைய தற்காப்பு கலையாக திகழும் வர்மக்கலை வெளிப்படுத்தி கொலை செய்வதும், தப்பிப்பதும் என தூள் கிளப்பியிருப்பார்.

இதைத்தொடர்ந்து 28 ஆண்டுகளுக்கு பிறகு வெளியாகியிருக்கும் இந்தியன் 2 படத்தில் சேனாபதி கதாபாத்திரத்தை உயிர்பித்துள்ளனர். படத்தில் அவர் 106 வயது முதியவராக தோன்றியுள்ளார்.

கமலின் சேனாபதி கதாபாத்திரமும், அதுதொடர்பான சில காட்சிகளும் ரசிகர்களை கவர்ந்திருந்தபோதிலும், ஒட்டு மொத்தமாக படத்தின் திரைக்கதை அழுத்தமாக இல்லை என ரசிகர்கள் கருத்துகளை வெளிப்படுத்தியுள்ளனர்.

இந்தியன் 2 படத்தில் கமலுடன், நடிகர்கள் சித்தார்த், பாபி சிம்ஹா, ரகுல் ப்ரீத் சிங், பிரியா பவானி ஷங்கர் மற்றும் மறைந்த நடிகர்களான விவேக், மாரிமுத்து உள்பட பலரும் நடித்துள்ளார்கள்.

அனிருத் இசையமைப்பில் படத்தின் பாடல்கள் வரவேற்பை பெற்றிருந்தாலும், பின்னணி இசை பெரிதாக பேசப்படவில்லை.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/