Japan: ஜப்பான் படம் எப்படி இருக்கு? - இணையத்தில் தீயாய் பரவும் தகவல்!
ஜப்பான் படம் எப்படி உள்ளது என்பது குறித்து ரசிகர்கள் இணையத்தில் கருத்தினைப் பகிர்ந்து வருகின்றனர்.
ஜப்பான் படத்தைப் பார்த்தவர்கள் படம் எப்படி உள்ளது என எக்ஸ் தளத்தில் எழுதி வருகின்றனர்.
இயக்குநர் ராஜூ முருகன் இயக்கத்தில் நடிகர் கார்த்தியின் 25ஆவது படமாக உருவாகியுள்ளது, ஜப்பான். தீபாவளிப் பண்டிகையை ஒட்டி இன்று (நவம்பர் 10) இப்படம் ரிலீஸாகியுள்ளது. இப்படத்தில் நடிகர் கார்த்தியுடன், அனு இம்மானுவேல், இயக்குநர் கே.எஸ்.ரவிக்குமார், விஜய் மில்டன், தெலுங்கு நடிகர் சுனில் ஆகியோர் நடித்துள்ளனர்.
இப்படத்தின் இசை மற்றும் ட்ரெய்லர் வெளியீட்டு விழா சமீபத்தில் பிரமாண்டமாக நடைபெற்றது. அதில் நடிகர் சூர்யா, சத்யராஜ், விஷால், ஆர்யா, சிபிராஜ், தமன்னா, இயக்குநர் பா.ரஞ்சித், இயக்குநர் சிறுத்தை சிவா, இயக்குநர் லோகேஷ் கனகராஜ், ஹெச்.வினோத் ஆகியோர் கலந்துகொண்டு நடிகர் கார்த்தியை வாழ்த்தினர்.
அவ்விழாவில் பேசிய நடிகர் கார்த்தி, ’மணிரத்னத்தின் உதவி இயக்குநர் முதல் சினிமாவில் 25ஆவது படம் வரை வந்துள்ளேன். இதற்கு ரசிகர்கள் கொடுத்த அன்பும் ஆதரவும் முக்கியக் காரணம்’ என்றார். மேலும் ராஜூ முருகனிடம் தனக்கு கதை இருக்கிறதா எனக்கேட்டு வாங்கி நடித்ததாகவும் அப்போது அவர் தெரிவித்தார்.
யூ/ஏ சென்சார் பெற்ற ஜப்பான் படத்தில் முதல்பாடலாக சில நாட்களுக்கு முன்பு, டச்சிங் டச்சிங் பாடல் வெளியான நிலையில் சொட்டங்கல்லா என்னும் இரண்டாவது பாடலும் வெளியாகி ரசிகர்களிடையே வரவேற்பினைப் பெற்றது.
இந்நிலையில் ஜப்பான் படம் எப்படி உள்ளது என இணையவாசிகள் எக்ஸ்தளத்தில் கருத்துப் பதிவிட்டு வருகின்றனர். அதில் ஒரு நெட்டிசன், ' கார்த்தியிடம் இருந்து அருமையான உணர்வுகளைக் கடத்தும் படம் வெளியாகியுள்ளது. ஜப்பான் படத்தின் இரண்டாவது பாதி முழுக்க எமோஷனலாகவும், முதல் பாதி ஆக்ஷனுடன் இருக்கிறது. ஃப்ளாஷ்பேக் காட்சிகள் சற்று இழுவையாக இருக்கிறது. ஆனாலும் கிளைமேக்ஸ் காட்சி பக்காவாக இருக்கிறது’ எனவும் அவர் தெரிவித்துள்ளார். மொத்தத்தில் ஜப்பான் படத்திற்கு 5க்கு மூன்று ரேட்டிங் ஸ்டார் கொடுக்கலாம் எனவும் கூறியுள்ளார்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்
டாபிக்ஸ்