தமிழ் சினிமாவின் மிஸ்டர் கிளீன் நடிகர் யார் தெரியுமா? நீங்க நெனச்சுக் கூட பார்க்க முடியாத ஆள் எல்லாம் லிஸ்டில் இருக்கு!

இந்நிலையில், தமிழ் சினிமாவின் உச்சத்தில் இருக்கும் சில நடிகர்கள், மதுப் பழக்கம், புகைப் பழக்கம் என எந்த கெட்டப் பழக்கமும் இல்லாமல் சிலர் வாழ்ந்து வருகின்றனர். இவர்கள் சினிமாவில் குடிப்பது போன்று நடித்தாலும், நிஜ வாழ்க்கையில் ஒருமுறை கூட குடியை ஒரு பொருட்டாக கருதியது கிடையாது. அப்படிப்பட்டவர்கள் குறித்த தகவல்களைத் தான் நாம் இப்போது பார்க்க உள்ளோம்.

மிஸ்டர் கிளீன் சிவக்குமார்

இந்தப் பட்டியலில் முதல் இடத்தில் உள்ளவர் தான் நடிகர் சிவக்குமார். இவர், தமிழ் சினிமாவில் சுமார் 200 படங்களில் நடித்து தன் திறமையை மக்களுக்கு நிரூபித்து காட்டியுள்ளார். அதன் மூலம் தமிழ்நாடு அரசு உள்ளிட்ட பல விருதுகளை பெற்றுள்ளார். இவர், சினிமாவிற்கு அடுத்தபடியாக விரும்புவது, கட்டுக்கோப்பான உடலைத் தான், உடல் ஆரோக்கியத்தின் மீது மிகுந்த அக்கறை உள்ள சிவக்குமார், யோகாசனம், ஆரோக்கியமான உணவு முறைகளை கடைபிடித்து வருகிறார். தமிழ் சினிமாவில் 3 தலைமுறைகளைக் கண்ட இவர், தன்னை குடிப் பழக்கம், புகைப் பழக்கம் என எந்தவித கெட்டப் பழக்கங்களுக்கும் ஆளாகாமல் பார்த்து வருகிறார்.

ராமராஜன்

அடுத்ததாக இந்த பட்டியலில் இருப்பவர் ராமராஜன். ஒரு படத்தில் ராமராஜன் தோன்றினாலே ஹிட் அடிக்கும் என இயக்குநர்கள் எதிர்பார்த்த காலம் இருந்தது. சினிமாவில் பக்கத்து வீட்டுப் பையன் போல தன் முக பாவணைகளை வைத்துக் கொண்டு மக்கள் மத்தியில் பிரபலமானவர், இவர் திரைப்படம் வெளியாகிறது என்றால் ரஜினி, கமல் படங்களே தங்களது பட வெளியீட்டை ஒத்தி வைத்துவிடுமாம். அப்படிப்பட்ட இவர் சினிமாவைத் தவிர்த்து அரசியலிலும் களம் கண்டவர். இப்படி இருபெரும் துறைகளில் இருந்த போதிலும் இவர் குடிப் பழக்கத்திற்கும் மதுப் பழக்கத்திற்கும் ஆளானதே இல்லை எனத் தெரிவிக்கின்றனர் சினிமா வட்டாரங்கள்,

எங்கத் தல டி.ஆர்

இந்த பட்டியலில் அடுத்து உள்ளவர் டி.ராஜேந்தர். சினிமாவில் கதை, திரைக்கதை, வசனம். இயக்கம், இசை, பாடல்கள், நடிப்பு என தன்னால் திரைக்கு உள்ளேயும், வெளியேயும் என்னென்ன செய்ய முடியுமோ அதை அத்தனையிலும் தன்னை ஈடுபடுத்தி, ஆகச்சிறந்த நபராக சினிமாவில் புகழ் பெற்றவர் டி. ராஜேந்தர். படத்தில் நடிக்கும் போது கூட பெண்களை தொடாமலே நடிப்பார் என கூறப்பட்ட நிலையில், பெண்கள் மட்டுமல்ல, மதுவையும் தொட மாட்டார் என்கின்றனர் நெருங்கிய வட்டாரங்கள். இவர், இதுவரை எவ்வளவு இக்கட்டான சூழலிலும் குடியை கையில் எடுக்காமல், சுய ஒழுக்கத்துடன் இருப்பதாகவும் கூறுகின்றனர்.

வில்லாதி வில்லன் ஆனந்தராஜ்

தமிழ் சினிமாவின் தீவிர வில்லாதி வில்லனாக வலம் வந்தவர் ஆனந்த ராஜ். இவர், தனது கண்களாலேயே எதிரிகளை எரித்து கொன்றுவிடுவார் எனும் அளவிற்கான வில்லத்தனம் உடையவராக திரையில் காட்டப்பட்டு வந்தார். ஆனால், இவரது சினிமா ரீ எண்ட்ரி அப்படியே உல்டாவாகிப் போனது. சினிமாவில், வில்லத்தனத்துடன் காமெடி செய்வது. அல்லது முழு நேர காமெடியனாகவே மாறுவது என தன் நடிப்பின் பாணியையே மாற்றிவிட்டார். இப்படி, சினிமாவில் கொடூர வில்லனாக இருந்த சமயத்திலும் சரி, இப்போது காமெடியனாக இருந்தபோதும் சரி இவர் மதுப் பழக்கத்தை ஏற்படுத்திக் கொண்டதே இல்லையாம்,

அப்பாவைப் போல பிள்ளை

அடுத்ததாக, தமிழ் சினிமாவில் எந்தக் கெட்டப் பழக்கமும் இல்லாத நடிகராக இருப்பவர் சிவக்குமாரின் மகன் கார்த்தி. அமெரிக்கா சென்று படித்திருந்தாலும், சினிமாத் துறையில் தனக்கென தனி அடையாளத்தைக் கொண்டிருந்தாலும் அவர் தந்தையைப் போல எந்தக் கெட்டப் பழக்கமும் இல்லாதவராகவே இருக்கிறார்.

சிவகார்த்திகேயன்

அடுத்ததாக எந்தக் கெட்டப் பழக்கமும் இல்லாத ஒரு நடிகராக தமிழ் சினிமாவில் இருப்பது என்றால் அது சிவகார்த்திகேயன் தான். சின்னத் திரையில் தொடங்கிய அவரது பயணம், படிப்படியாக உயர்ந்து, தற்போது நடிகர் விஜய்யின் இடத்தைப் பிடித்து விட்டார். இப்படி குறுகிய காலத்திலேயே அசுர வளர்ச்சி கண்ட சிவகார்த்திகேயன் தற்போது வரை குடி, புகைப் பழக்கத்திற்கு அடிமையாகாமல் இருந்து வருகிறார்.