HBD Manobala: நடிகர் மனோபாலா பிறந்தநாள் இன்று!
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  பொழுதுபோக்கு  /  Hbd Manobala: நடிகர் மனோபாலா பிறந்தநாள் இன்று!

HBD Manobala: நடிகர் மனோபாலா பிறந்தநாள் இன்று!

Pandeeswari Gurusamy HT Tamil Published Dec 08, 2023 04:55 AM IST
Pandeeswari Gurusamy HT Tamil
Published Dec 08, 2023 04:55 AM IST

இன்றைய ரெண்டிங்கிற்கு ஏற்ப மனோபாலாஸ் வேஸ்பேப்பர் (Manobala's Waste Paper) என்ற யூடியூப் சேனலை வெற்றிகரமாகவே நடத்தி வந்தார்.

மனோபாலா பிறந்த நாள்
மனோபாலா பிறந்த நாள்
Share on Whatsappஎங்களை பின் தொடரலாம்
  • Share on Twitter
  • Share on Facebook

பிரபல இயக்குநர், நடிகர், காமெடியன், தயாரிப்பாளர், யூடிபர் என பன்முகத்தன்மை கொண்ட மனோபாலா பிறந்த நாள் இன்று. இந்த நாளில் அவர் குறித்த தகவல்களை திரும்பி பார்க்கலாம்.

பிறப்பு 

நடிகர் மனோபாலா நாகபட்டினம் மாவட்டம் மருங்கூர் என்ற கிராமத்தில் டிசம்பர் 8ம் தேதி 1953ம் ஆண்டு பிறந்தார். இவரது இயற்பெயர் பாலச்சந்திரன்.

1970 இயக்குநர் கனவோடு சினிமாவில் வேலை செய்ய தொடங்கினார்.

நடிகர் கமல்ஹாசனின் பரிந்துரையால் 1979ஆம் ஆண்டு ’புதியவார்புகள்’ படத்தில் இயக்குநர் பாரதி ராஜாவின் உதவி இயக்குநராக தனது திரை வாழ்க்கையை மனோபாலா தொடங்கினார். 1982ஆம் ஆண்டு முதல் முறையாக இயக்குநர் மனோ பாலா, ஆகாய கங்கை என்ற முதல் படத்தை இயக்கினார். கார்த்திக் சுஹாசினி நடித்த அந்த படம் பெரிதாக வெற்றி பெறவில்லை.

1985ல் நான் உங்கள் ரசிகன் படமும் தோல்வியை தழுவியது. தோல்வியை பெரிதாக கண்டு கொள்ளாத மனோபாலா 1985ல் பிள்ளைநிலா என்ற திகில் படத்தை எடுத்தார். அது வணிக ரீதியாக வெற்றி பெற்றது. இதையடுத்து தொடர்ச்சியாக பாரு பாரு பட்டினம் பாரு- (1986), தூரத்துப் பச்சை- (1987), ஊர்க்காவலன்- (1987), சிறைப்பறவை- (1987), என் புருஷன்தான் எனக்கு மட்டும்தான்- (1988), மூடு மந்திரம்- (1989), மல்லுவேட்டி மைனர்- (1990), ஆகிய படங்களை இயக்கினார். 

மேலும் வெற்றி படிகள்- (1991), மூன்றெழுத்தில் என் மூச்சிருக்கும்- (1991), செண்பகத் தோட்டம்- (1992), முற்றுகை- (1993), பாரம்பரியம்- (1993), கருப்பு வெள்ளை- (1993), நந்தினி- (1997), அன்னை- (2000), சிறகுகள்- (2001) (தொலைக்காட்சித் திரைப்படம்), நைனா-(2002) உள்ளிட்ட 20 திரைப்படங்களை இயக்கி உள்ளார். இது மட்டும் இல்லாமல் இந்திப்படம் ஒன்றும் கன்னட படம் ஒன்றும் இயக்கி உள்ளார். இயக்குநர் என்பதோடு தன்னை குறுக்கி கொள்ளலாம் குணச்சித்திர நடிகராகவும், நகைச்சுவை நடிகராகவும் சிறப்பாக நடித்து வந்தார்.

சுமார் 40 திரைப்படங்கள், 16 தொலைக்காட்சி தொடர்கள் 3 தொலைக்காட்சி படங்கள் உள்ளிட்டவற்றை அவர் இயக்கி உள்ளதுடன் 200க்கும் மேற்பட்ட படங்களிலும் நடித்திருந்தார். காலத்திற்கு ஏற்ப தன்னை தகவமைத்த மனிதர் மனோபாலா. ஆம் இன்றைய ரெண்டிங்கிற்கு ஏற்ப மனோபாலாஸ் வேஸ்பேப்பர் (Manobala's Waste Paper) என்ற யூடியூப் சேனலை தொடங்கி வெற்றிகரமாகவே நடத்தி வந்தார்.

இந்நிலையில் 69 வயதான மனோ பாலா கல்லிரல் பிரச்சனையால் சிகிச்சை பெற்று வந்தார். இந்த நிலையில் கடந்த மே மாதம் 3ம் தேதி சிகிச்சை பலனின்றி வீட்டிலேயே அவரது உயிர் பிரிந்தது. மனோபாலாவின் பிறந்த நாளான இன்று அவர் குறித்த நினைவுகளை இந்துஸ்தான் டைம்ஸ் தமிழ் பகிர்ந்து கொள்கிறது. 

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9