Top 10 Songs Today : ஆச கூட.. விசில் போடு.. பத்தவைக்கும் பாடல்.. ஸ்பாட்டிபை தளத்தின் டாப் 10 தமிழ் பாடல்களின் லிஸ்ட்!

காத்து மேல

உலக அளவில் பேமஸ் ஆகியிருக்கும் தமிழ் மியூசிக் விடியோவாக காத்து மேல பாடல் உள்ளது. கடந்த ஜூலை மாதம் வெளியான இந்த பாடலை வைத்து சமூக வலைத்தளங்களில் ஏராளமான ரீல்ஸ்கள் உலா வந்து கொண்டிருக்கின்றன. பால் டப்பா பாடல் எழுதி நடித்திருக்க, ரோ இசைமைத்துள்ளார். சிறியவர்கள் முதல் பெரியவர்கள் வரை அனைவரையும் கவர்ந்த பாடலாக காத்து மேல இருந்து வருகிறது.

கோல்டன் ஸ்பாரோ பாடல்

'ராயன்' திரைப்படத்தை தொடர்ந்து தனுஷ் இயக்கத்தில் 'நிலவுக்கு என்மேல் என்னடி கோபம்' திரைப்படம் தயாராகி வருகிறது. இப்படத்தின் 'கோல்டன் ஸ்பாரோ' பாடல் சமீபத்தில் வெளியானது. இப்படம் டிரெண்டிங் இடத்தை பிடித்திருக்கிறது. ரீல்ஸ்களிலும் இப்பாடலே அதிகமாக நிறைந்திருக்கிறது. இந்த பாடலில் நடிகை பிரியங்கா மோகன் ஸ்பெஷல் அப்பியரன்ஸில் வந்து ஆடியுள்ளார். மேலும், இந்த பாடலை நடிகர் தனுஷ் மற்றும் ஜி.வி. பிரகாஷ் என பலர் இணைந்து பாடியுள்ளனர்.

விசில் போடு

தளபதி விஜய் நடிப்பில் வரும் செப்டம்பர் 5ஆம் தேதி வெளியான தி கோட் படத்தின் முதல் சிங்கிளாக வெளியான பாடல் விசில் போடு. இதில் விஜய்யுடன், பிரசாந்த், பிரபுதேவா ஆகியோரும் நடனமாடியுள்ளனர். லிரிக் விடியோ வெளியாகி வைரலாகியுள்ளது.

இலுமினாட்டி

ஜித்து மாதவன் இயக்கத்தில் பாசிலின் நடிப்பில் உருவாகியுள்ள படம் ஆவேஷம். இப்படத்தில் மன்சூர் அலிகான், ஆஷிஷ் வித்யாத்ரி உள்ளிட்ட பலர் நடிக்கின்றனர். சுஷின் ஷ்யாம் இசையமைக்கும் இப்படத்தை ஃபஹத் ஃபாசில் அண்ட் ஃப்ரெண்ட்ஸ் மற்றும் அன்வர் ரஷீத் எண்டர்டெய்ன்மென்ட் நிறுவனங்கள் இணைந்து தயாரித்துள்ளன. இந்நிலையில் இப்படத்தின் ‘இலுமினாட்டி’ என்ற பாடல் வெளியாகி ரசிகர்களிடையே நல்ல வரவேற்பைப் பெற்று வருகிறது.

பத்த வைக்கும்

இயக்குனர் கொரட்டலா சிவா எழுதி - இயக்கியுள்ள திரைப்படம் 'தேவரா' தமிழ், தெலுங்கு, ஹிந்தி ,கன்னடம், மலையாளம் உள்ளிட்ட ஐந்து மொழிகளில் உருவாகியுள்ள இந்த படத்தில் ஆர் ஆர் ஆர் பட நாயகன் ஜூனியர் என்டிஆர் நடிக்க, அவருக்கு ஜோடியாக ஜான்வி கபூர் நடிக்கிறார். இந்த படத்திற்கு அனிருத் இசையமைக்க, ரத்னவேல் ஒளிப்பதிவு செய்துள்ளார். தற்போது இப்படத்தில் ஜான்வி கவர்ச்சி மழை பொழியும் காதல் பாடலான 'பத்த வைக்கும்' பாடல் உருவாகியுள்ளது. இந்த பாடலின் தமிழ் வரிகளை இயக்குனர் விக்னேஷ் சிவன் எழுதியுள்ளார்.

கட்சி சேர பாடல்

சுயாதீன இசைக்கலைஞரான சாய் அபயங்கர் இசையமைத்து பாடிய கட்சி சேர பாடல் இளைஞர்கள் மத்தியில் சமீபகால சென்சேஷனாக இருந்து வருகிறது. இசை,குரல், பாடல் வரிகள், நடனம் என அனைத்திலும் இந்த பாடல்கள் ஸ்கோர் செய்துள்ளன. சாய் அபயங்கர், பிரபல பின்னணி பாடகர்கள் திப்பு - ஹரிணி தம்பதியின் மகன் ஆவார். தனது முதல் பாடலிலேயே ரசிகர்களின் மனத்தைக் கவர்ந்தார் சாய் அபயங்கர். இவரின் இந்த பாடலுக்கு இன்ஸ்டாவில் அனைவரும் ரீல்ஸ் செய்து ட்ரெண்டாக்கி வருகின்றனர்.

மினிக்கி மினிக்கி

பா. ரஞ்சித் இயக்கிய தங்கலான் படத்தில் இடம்பிடித்திருக்கும் மினிக்கி மினிக்கி பாடல் பட்டிதொட்டி யெங்கும் ஒலிக்கும் பாடலாக மாறியுள்ளது. ஜி.வி. பிரகாஷ் குமார் இசையமைத்திருக்கும் இந்த பாடலுக்கு உமா தேவி பாடல் வரிகள் எழுத சிந்தூரி விஷால் பாடியுள்ளார். அற்புத ஃபோக் இசை பாடலாக ரசிகர்களை வெகுவாக கவர்ந்துள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.