Ethirneechal: குணசேகரன் மிஸ்ஸிங்.. ஜனனிக்கு அப்பத்தா கொடுத்த பொறுப்பு.. ஸ்கெட்ச் போடும் கதிர் - எதிர்நீச்சல் புரமோ!

அவரது இறப்பு திரையுலகினர் மத்தியில் பேரதிர்ச்சியை ஏற்படுத்தியது. இது ஒரு பக்கம் என்றால், இன்னொரு பக்கம் அந்தக் கதாபாத்திரத்தில் யார் நடிக்கப்போகிறார் என்ற எதிர்பார்ப்பு எழுந்தது. இந்த நிலையில் அந்தக் கதாபாத்திரத்தில் பிரபல நடிகரும், எழுத்தாளருமான வேலராம மூர்த்தி நடிக்க இருப்பதாக கூறி, அவருக்கான மாஸ் புரமோவும் வெளியிடப்பட்டது.

மாரிமுத்துவுக்கு ட்ரேடு மார்க் வார்த்தையாக ஏம்மா ஏய்.. அமைந்த நிலையில், இளந்தாரி பயலுக என்ற வார்த்தையை வேலராம மூர்த்தி பயன்படுத்தி வந்தார். ஆனால், மாரிமுத்துவை போல வேலராம மூர்த்தியால் தொடர்ச்சியாக சீரியலில் வரமுடியவில்லை. காரணம், முன்னதாக இந்த சீரியலிலில் கமிட் ஆகும் போதே தனக்கு சினிமா வாய்ப்புகள் இருப்பதாக கூறியிருந்தார்.

இந்த நிலையில் அவர் இல்லாமல் கதையை நகர்த்த படக்குழு முடிவு செய்து இருப்பதாக தகவல் வெளியாகி இருக்கின்றன. அதனால் ஆதியின் பிரசன்ஸ் இன்றைய எபிசோடில் இருக்குமா என்பது தெரியவில்லை.

இந்த நிலையில் இன்றைய நிகழ்ச்சிக்கான புரமோ வெளியாகி இருக்கிறது. இன்றைய புரமோவில் ஜீவானந்தத்தை ஈஸ்வரி சந்திக்க செல்கிறாள். அவரிடம் என்ன என்று ஜீவா கேட்க, அதற்கு ஈஸ்வரி இல்லை..பேச வேண்டும் என்று தோன்றியது என்று சொன்னார்.

இன்னொரு பக்கம் கதிர் ஜீவானந்தம் தானாக வந்து வலையில் சிக்கி இருக்கிறான். அவனை அப்படியே முடித்து விட்டு விட வேண்டும் என்று கொந்தளிக்கிறான். இதனிடையே அப்பத்தா நிகழ்ச்சி ஒன்றை நடத்த இருப்பதாகவும் அதற்கு ஜனனிதான் தலைமை தாங்கப்போவதாக சொல்கிறார். இதில் மாரிமுத்துவின் கதாபாத்திரமே இடம் பெறவில்லை.