Ethir Neechal: குணசேகரன் கேரக்டருக்கு சம்மதம் சொல்லாத வேல ராமமூர்த்தி? மேலும் இரண்டு நடிகர்களுடன் பேச்சுவார்த்தை
எதிர்நீச்சல் சீரியலில் அடுத்த குணசேகரான நடிப்பது யார் என்பது குறித்து இன்னும் முடிவாகாமலே இருந்து வருகிறது. வேல ராமமூர்த்தியை தொடர்ந்து தற்போது மேலும் இரு நடிகர்களுடன் பேச்சு வார்த்தை நடைபெற்று வருவதாக தகவல் வெளியாகியுள்ளது.
சன் டிவியில் ஒளிபரப்பாகி வரும் எதிர்நீச்சல் தொடர் அதிகம் பேரால் பார்க்கப்படும் டிவி சீரியலாக இருந்து வருகிறது. டிஆர்பி இல் நம்பர் ஒன் இடத்தில் இந்த தொடரின் வெற்றிக்கு முக்கிய காரணமாக இருந்தது, இதில் வரும் ஆதி குணசேகரன் என்ற கதாபாத்திரத்தில் தோன்றிய மறைந்த மாரிமுத்து என்பது அனைவரும் அறிந்தது.
ஏற்கனவே அவரை வைத்து ஷுட் செய்த காட்சிகளை வைத்து எபிசோடு சென்று கொண்டிருக்கும் நிலையில், அவர் டப்பிங் பேசாத காட்சிகளை வேறொருவரை மாரிமுத்து போன்றே பேச வைத்து ஒளிபரப்பி வருகின்றனர்.
மாரிமுத்து தொடர்பாக எடுக்கப்பட்ட காட்சிகள் முடிவதற்குள் அந்த கதாபாத்திரத்தில், அவருக்கு கணகச்சிதமாக பொருந்து போகும் வேறொருவரை நடிக்க வைக்கும் முயற்சியில் இயக்குநர் மற்றும் சீரியல் குழுவினர் ஈடுபட்டுனர்.
அதன்படி, இந்த கேரக்டருக்கான முதல் சாய்ஸாக நடிகரும், எழுதாளருமான வேல ராமமூர்த்தியை அனுகினர். தன்னை எதிர்நீச்சல் ஆதி குணசேகரன் கேரக்டருக்காக அனுகியது குறித்து வேல ராமமூர்த்தியும் உறுதி செய்த நிலையில், அவர் இன்னும் நடிப்பதற்கு சம்மதம் தெரிவிக்கவில்லை என கூறப்படுகிறது.
இதையடுத்து குணசேகரன் கதாபாத்திரத்திரத்துக்கு பொருத்தமான வேறொரு நடிகரை தேர்வு செய்ய முயற்சியில் எதிர்நீச்சல் குழுவினர் தீவிரமாக களமிறங்கியுள்ளனராம். இதைத்தெடார்ந்து சினிமாக்களில் பிஸியாக இருந்து வரும் ராதா ரவி, வில்லன் குணச்சித்திர வேடங்களில் கலக்கி வரும் பசுபதி ஆகியோரில் ஒருவரை இந்த கதாபாத்திரத்தில் நடிக்க வைக்க முயற்சித்து வருகிறார்களாம்.
மாரிமுத்து இறந்ததில் இருந்து ஆதி குணசேகரனாக இனி நடிக்கப்போவது யார் என்ற கேள்வி அதிகம் வலம் வருவதுடன், யாராக இருக்ககூடும் என்கிற ஆர்வமும் ரசிகர்கள் மத்தியில் ஏற்பட்டுள்ளது. இதற்கான விடையை விரைவில் சீரியல் குழு வெளியிடும் என எதிர்பார்க்கலாம்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
