VVIPs in Rajini house: ரஜினி வீட்டுக்குச் சென்ற துர்கா ஸ்டாலின், ஓபிஎஸ், ஷோபா சந்திரசேகர், தமிழிசை - என்னவாம்?

நடிகர் ரஜினிகாந்த் வீடு சென்னையில் மறைந்த முன்னாள் முதலமைச்சர் ஜெயலலிதாவின் இல்லம் அமைந்துள்ள போயஸ் கார்டன் இருக்கும் பகுதியில் தான் அமைந்துள்ளது. இங்கு ஒவ்வொரு ஆண்டும் தங்களது வீட்டில் நவராத்திரியின்போது கொலு வைத்து அதனை பெரிய விழாவாக கொண்டாடுவார், லதா ரஜினிகாந்த்.

அந்தவகையில் இன்றைய ஆண்டுக்கான ஆயுத பூஜை மற்றும் விஜயதசமி நிகழ்ச்சிக்கான ஏற்பாடு ரஜினியின் இல்லத்தில் வெகுசிறப்பாக செய்யப்பட்டு இருந்தது. அதில் எண்ணற்ற விவிஐபி பக்தர்கள் கலந்துகொண்டனர். குறிப்பாக, முதலமைச்சர் ஸ்டாலின் மனைவி துர்கா ஸ்டாலின் மற்றும் அவரது சகோதரி செல்வி, முன்னாள் முதலமைச்சர் ஓ.பன்னீர்செல்வம், தெலங்கானா ஆளுநர் தமிழிசை, பழம்பெரும் நடிகை லதா, ஐஏஎஸ் அலுவலர் ராதாகிருஷ்ணன் மற்றும் அவர்களது நெருங்கிய உறவினர்கள் மற்றும் நண்பர்கள் கலந்துகொண்டனர். அதில் சித்தாந்தத்தில் எதிரெதிர் கருத்துகொண்ட துர்கா ஸ்டாலினும் தெலங்கானா ஆளுநர் தமிழிசையும் இருவரும் ஒருவருக்கொருவர் பேசி சிரித்து புகைப்படம் எடுத்துக்கொண்டனர்.

மேலும் நடிகர் விஜய்யின் அம்மா ஷோபா சந்திரசேகர், இந்நிகழ்வில் கலந்துகொண்டார். கலந்த சில நாட்களாகவே யார் ரியல் சூப்பர் ஸ்டார் என்னும் பனிப்போர் ரஜினிக்கும், விஜய்க்கும் நடந்து வந்ததாக ஊடகங்களில் எழுதப்பட்ட நிலையில், ரஜினியின் வீட்டில் நடந்த விழாவில் விஜய்யின் தாயார் ஷோபா சந்திரசேகர் கலந்துகொண்டது சர்ச்சைகளுக்கு முற்றுப்புள்ளி வைக்கும் வகையில் உள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், ஆன்மிகம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.