ரூ.100 கோடி வசூல் செய்த டான்

இதில் சிவகார்த்திகேயன், ப்ரியங்கா அருள் மோகன், எஸ்.ஜே. சூர்யா, சமுத்திரக்கனி, சிவாங்கி உள்ளிட்டோர் நடித்து இருக்கின்றனர். படத்திற்கு மிகவும் பாசிட்டிவான கருத்துகளே வந்தன.

அதிலும் படத்தின் இரண்டாம் பாதி முழுவதும் செண்டிமெண்ட் காட்சிகளால் நிறைந்து இருப்பதாக ரசிகர்கள் தெரிவித்தனர். ரசிகர்களை தாண்டி திரையுலகைச் சேர்ந்த பிரபலங்களும் படத்தை பாராட்டி வருகின்றனர்.

இந்த நிலையில் டான் படம் வெளியான ஐந்து நாட்களில் 50 கோடி ரூபாய்க்கு மேல் வசூல் செய்து இருந்தது. அதனைத் தொடர்ந்து, படம் வெளியாகி 12 நாட்களில் 100 கோடி ரூபாய் மேல் வசூல் செய்து சாதனை படைத்து இருக்கிறது. 

இதனை லைகா நிறுவனம் தனது சமூக வலைதளப் பக்கத்தில் அறிவித்து உள்ளது.  அதில், “ 12 நாட்களில் ’டான்’ திரைப்படம் 100 கோடி ரூபாய் வசூல் செய்து உள்ளது” எனக் குறிப்பிடப்பட்டு உள்ளது. 

 நடிகர் சிவகார்த்திகேயனின் டாக்டர் படம் 100 கோடி ரூபாய் வசூல் செய்து இருந்து. அதனை தொடர்ந்து, டான் படமும் 100 கோடி வசூல் செய்து ஹிட் அடித்து உள்ளது. 

முன்னதாக இங்கிலாந்து பாக்ஸ் ஆபீஸில் அஜித் நடிப்பில் வெளியான திரைப்படத்தை பின்னுக்குத்தள்ளி டான் திரைப்படம் வசூலில் முன்னேறியுள்ளது.