Dhanush: நிலைகுலைந்து கிடக்கும் மக்கள்.. வாடி நிற்கும் வயநாடு..உதவிகரம் நீட்டிய தனுஷ்! - எவ்வளவு கொடுத்தார்?
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  பொழுதுபோக்கு  /  Dhanush: நிலைகுலைந்து கிடக்கும் மக்கள்.. வாடி நிற்கும் வயநாடு..உதவிகரம் நீட்டிய தனுஷ்! - எவ்வளவு கொடுத்தார்?

Dhanush: நிலைகுலைந்து கிடக்கும் மக்கள்.. வாடி நிற்கும் வயநாடு..உதவிகரம் நீட்டிய தனுஷ்! - எவ்வளவு கொடுத்தார்?

Kalyani Pandiyan S HT Tamil Published Aug 11, 2024 01:29 PM IST
Kalyani Pandiyan S HT Tamil
Published Aug 11, 2024 01:29 PM IST

Dhanush: வயநாடு நிலச்சரிவால் பாதிக்கப்பட்ட மக்களுக்கு நடிகர் தனுஷ் உதவிகரம் நீட்டி இருக்கிறார்.

Dhanush: நிலைகுலைந்து கிடக்கும் மக்கள்.. வாடி நிற்கும் வயநாடு..உதவிகரம் நீட்டிய தனுஷ்! - எவ்வளவு கொடுத்தார்?
Dhanush: நிலைகுலைந்து கிடக்கும் மக்கள்.. வாடி நிற்கும் வயநாடு..உதவிகரம் நீட்டிய தனுஷ்! - எவ்வளவு கொடுத்தார்?
Share on Whatsappஎங்களை பின் தொடரலாம்
  • Share on Twitter
  • Share on Facebook

கேரளா மாநிலம் வயநாட்டில் கடந்த 30 ம் தேதி ஏற்பட்ட பயங்கர நிலச்சரிவு ஏற்பட்டது. இந்த நிலச்சரிவில் மலைகிராமங்கள், வீடுகள் உள்ளிட்டவை மண்ணோடு மண்ணாகின. இந்த பேரழிவில் 400க்கும் மேற்பட்டோர் உயிரிழந்து இருப்பதாக தெரிவிக்கப்பட்டு இருக்கிறது. இந்த காட்டாற்று வெள்ளத்தில் அடித்து செல்லப்பட்ட நபர்களின் உடல்பாகங்கள் தனிதனியாக சென்ற சோகமும் அரங்கேறி இருக்கிறது. தங்களது உறவினர்களின் பாகங்களை வைத்து அடையாளம் கண்ட, சம்பந்தபட்டவரின் குடும்பத்தினர் அதற்கு சடங்குகள் செய்து நல்லடக்கம் செய்தனர். பாதிப்பட்ட பகுதிகளில் இந்திய ராணுவமும், தேசிய பேரிடர் மீட்பு படையும் மீட்பு பணியில் ஈடுபட்டு வருகிறார்கள். 

400 க்கு மேல் சென்ற உயிரிழப்பு 

ஆயிரத்திற்கும் மேற்பட்டோர் மீட்கப்பட்டு நிவாரண முகாம்களில் தங்கவைக்கப்பட்டு இருக்கின்றனர். இந்த நிலச்சரிவில் 800க்கும் மேற்பட்ட வீடுகள், கட்டிடங்கள் தரைமட்டமாகி இருக்கின்றன. நிலச்சரிவு ஏற்பட்ட இடத்தில் எதிர்கட்சித்தலைவர் ராகுல்காந்தி, பிரியங்கா காந்தி உள்ளிட்டோர் கடந்த 1ம் தேதி நேரில் சென்று பாதிக்கப்பட்ட மக்களை சந்தித்து ஆறுதல் கூறினர்.

பிரதமர் மோடி நேற்று நிலச்சரிவால் பாதிக்கப்பட்ட இடங்களை பார்வையிட்டார். அப்போது, ஒவ்வொரு பகுதியிலும் ஏற்பட்ட பாதிப்பின் தன்மை குறித்து பிரதமர் மோடிக்கு அதிகாரிகள் விளக்கினர். அவருடன் கேரள ஆளுநர் ஆரிப் முகமது கான், முதலமைச்சர் பினராயி விஜயன், மத்திய இணை அமைச்சர் சுரேஷ் கோபி ஆகியோர் உடன் சென்றனர்.

முன்வந்து உதவிய தனுஷ் 

குறிப்பாக, முண்டக்கை - சூரல்மலை பாலத்தை இணைக்க ராணுவத்தினர் 20 மணி நேரத்தில் பாலம் ஒன்றை அமைத்ததை பிரதமர் மோடி பாராட்டினார். தொடர்ந்து நிலச்சரிவால் பாதிக்கப்பட்டவர்கள் தங்கவைக்கப்பட்டுள்ள முகாம்களுக்கு பிரதமர் மோடி சென்றார். அங்கு மோடியைப் பார்த்த மக்களில் சிலர் கண்ணீர் வடித்தனர். அவர்களுக்கு பிரதமர் மோடி ஆறுதல் கூறினார். இந்த பேரழிவு குறித்து மோடி பேசும் போது கேரளாவின் கனவு சிதைந்து விட்டதாக கூறி வருத்தம் அடைந்தார். இதற்கிடையே பாதிக்கப்பட்ட மக்களுக்கு திரைபிரபலங்கள் பலரும் உதவிகரம் நீட்டி வரும் நிலையில், நடிகர் தனுஷ் பாதிக்கப்பட்ட மக்களுக்கு 25 லட்சம் நிவாரண நிதியாக கொடுத்திருக்கிறார்.

முன்னதாக, இரண்டாவது முறையாக தனுஷ் இயக்குநராக களம் இறங்கி இருந்த திரைப்படம் ராயன். கடந்த ஜூலை 26ம் தேதி வெளியான இந்தத்திரைப்படம், மக்கள் மத்தியில் நல்ல வரவேற்பை பெற்று வருகிறது. அவரின் 50 வது திரைப்படமாகவும் அமைந்திருந்த இந்தப்படத்தில், அவருடன் இணைந்து சந்தீப், காளிதாஸ் ஜெயராம், துஷாரா விஜயன், அபர்ணா, எஸ். ஜே. சூர்யா, பிரகாஷ் ராஜ் உள்ளிட்ட பல நட்சத்திரங்கள் நடித்து இருந்தனர். இந்தப்படத்திற்கு பிரபல இசையமைப்பாளர் ஏ. ஆர்.ரஹ்மான் இசையமைத்து இருந்தார். மக்களிடம் மிகப்பெரிய வரவேற்பை பெற்று வரும் இந்தப்படம் 100 கோடிக்கும் மேல் வசூல் செய்துள்ளது குறிப்பிடத்தக்கது. 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன: