' டாடா ' … கவின் புது பட போஸ்டர் வெளியீடு

தொடர்ந்து கவின் , பிக் பாஸ் மூன்றாவது சீசனில் கலந்து கொண்டு , ரசிகர்களின் உள்ளங்களில் நீங்கா இடம் பிடித்தார் . இவர் , ‘ சத்ரியன் ’ , ’ நட்புனா என்னன்னு தெரியுமா ’ உள்ளிட்ட படங்களிலும் நடித்து இருந்தார் .

கடைசியாகக் கவின் , ’ லிஃபிட் ‘ திரைப்படத்தில் நடித்து இருந்தார் . ஒரு அலுவலகத்தில் மட்டுமே நடக்கும் கதையை திகில் கலந்த பாணியில் எடுத்து இயக்குநர் வெற்றிக் கண்டார் .

 இதனை அடுத்து இவர் நடித்த , ' அஸ்கு மாறோ ' ஆல்பம் பாடல் கடந்த சில மாதங்களுக்கு முன் வெளியாகி நல்ல வரவேற்பை பெற்றது .

படங்களில் நடிப்பது மட்டுமின்றி நடிகர் கவின் , ’ டாக்டர் ‘ , ’ பீஸ்ட் ‘ உள்ளிட்ட முன்னணி நடிகர்களின் படங்களில் உதவி இயக்குநராகவும் பணியாற்றி வருகிறார் .

இந்த நிலையில் கவினின் அடுத்த படம் குறித்த அறிவிப்பு வெளியாகி உள்ளது . ஒலிம்பியா மூவிஸ் தயாரிப்பில் உருவாகும் படத்தில் ஹீரோவாக கவின் நடிக்க , அபர்ணா தாஸ் இந்த படத்தில் ஹீரோயினாக நடித்து இருக்கிறார் . 

கணேஷ் கே . பாபு படத்தை இயக்கி வருகிறார் . படத்தின் ஃபர்ஸ்ட் லுக் போஸ்டர் தற்போது வெளியாகி உள்ளது . ‘ டாடா ‘ என பெயரிடப்பட்டுள்ள இந்த படத்தின் போஸ்டர் வெளியாகி ரசிகர்கள் மத்தியில் வரவேற்பை பெற்று உள்ளது .

இவர் அடுத்ததாக விக்னேஷ் சிவன், நயன்தாரா தயாரிப்பில் உருவாகும் ’ ஊர்குருவி ‘ படத்தில் ஹீரோவாக நடிக்க உள்ளார் . கவின் , ஆகாஷ் வாணி என்ற வெப் சீரிஸ் ஒன்றிலும் நடிக்க உள்ளார் .