Lokesh Kanagaraj: காத்திருக்கிறேன் லோகேஷ்;ட்விட்டரில் கிரீன் சிக்னல் கொடுத்த PC ஸ்ரீராம்!

இந்த திரைப்படத்தின் டைட்டில் வீடியோ மிகப்பெரிய வரவேற்பை பெற்ற நிலையில் முதற்கட்டமாக படக்குழு காஷ்மீரில் 60 நாட்கள் படப்பிடிப்பை நடத்தி நிறைவு செய்தது. தற்போது சென்னையில் படத்தின் படப்பிடிப்பை வேகமாக நடத்தி வருகிறது. 

இதனிடயே விக்ரம் படத்தின் வெளியீட்டுக்கு பிறகு லோகேஷ் கனகராஜ் தனியார் சேனல் ஒன்றில் மாணவர்களுடன் உரையாடினார். அப்போது வரும் காலத்தில் நடிகர்கள் ரஜினி, அஜித், ஒளிப்பதிவாளர் பி.சி.ஸ்ரீராம், இசையமைப்பாளர் ஏ.ஆர்.ரஹ்மான் ஆகியோருடன் வேலை செய்ய விரும்புவதாக அவர் தெரிவித்து இருந்தார். இந்த வீடியோவை ரசிகர்கள் கட் செய்து ட்விட்டரில் பதிவிட, பி.சி.ஸ்ரீராம் லோகேஷ் கனகராஜ்ஜிற்கு பதிலளிக்கும் விதமாக ‘காத்து இருக்கிறேன்’ என்று பதிலளித்து இருக்கிறார்.

லியோ திரைப்படத்தில் 14 வருடங்களுக்கு பிறகு அவருக்கு ஜோடியாக நடிகை த்ரிஷா இணைந்திருக்கிறார். இவர்களுடன் நடிகர்கள் கெளதம் மேனன், மன்சூர் அலிகான், அர்ஜூன், சஞ்சய் தத், பிரியா ஆனந்த், இயக்குனர் மிஷ்கின் உள்ளிட்ட பலர் நடித்துள்ளனர்.