Sara Arjun: குழந்தை நட்சத்திரமாக கலக்கிய பேபி சாரா பிறந்தநாள்

தொலைக்காட்சி விளம்பரங்களில் குழந்தை மாடலாக தனது வாழ்க்கையைத் தொடங்கினார். அவரது முதல் தொலைக்காட்சி விளம்பரம் 4 வயதில் இருந்தது. விளம்பர தயாரிப்பாளர்கள் அவளை ஒரு ஷாப்பிங் மாலில் அவரது பெற்றோருடன் பார்த்தார்கள்.

சாரா மெக்டொனால்ட்ஸ், எல்ஐசி ஹவுசிங் ஃபைனான்ஸ், கல்யாண் ஜூவல்லர்ஸ் மற்றும் மேகி ஹெல்தி சூப்ஸ் போன்ற பல தொலைக்காட்சி விளம்பரங்களில் தோன்றியுள்ளார்.

இவர் கடந்த 2011 ஆம் ஆண்டு வெளியான 404 என்ற இந்தி படத்தில் நடித்தார். 'ஏக் தி தயான் (2013), 'ஜெய் ஹோ' (2014), 'ஜஸ்பா (2015). 'சாந்த் கி ஆன்க்' (2019), மற்றும் 'அஜீப் தாஸ்தான்ஸ்' (2021) உள்ளிட்ட இந்தி படங்களிலும் நடித்து இருக்கிறார்.

இவர் தமிழ் சினிமாவில் விக்ரம் நடிப்பில் கடந்த 2011 ஆம் ஆண்டு வெளியான, தெய்வத்திருமகள் படத்தில் விக்ரமின் மகளாக நடித்து இருந்தார். அந்த படத்தில் நிலா என்ற கதாபாத்திரத்தில் நடித்த பேபி சாரா தமிழ் ரசிகர்கள் அனைவரின் மனதையும் கொள்ளை கொண்டார்.

இதில் சாரா மற்றும் விக்ரம் இருவருக்கும் இடையிலான அப்பா மகள் பாசம் பார்க்க நிஜமான அப்பா, மகள் போன்ற ஒரு எண்ணத்தை கொடுத்தது.இவருக்கு பின்னர் எத்தனையோ குழந்தை நட்சித்திரங்கள் தமிழ் சினிமாவில் அறிமுகமானாலும் இவருக்கு கிடைத்த வரவேற்பை போல யாருக்கும் கிடைக்கவில்லை.

அதைத் தொடர்ந்து, சித்திரையில் நிலாச்சோறு, சைவம், விழித்திரு போன்ற படங்களில் நடித்திருந்தார். மலையாளம், தெலுங்கு மற்றும் மலையாளம் உள்ளிட்ட மொழி படங்களில் நடித்து வருகிறார்.பொன்னியின் செல்வன் திரைப்படத்தில் கூட இளம் வயது நந்தினி கதாபாத்திரத்தில் நடித்திருருந்தார்.

இவர் கடைசியாக கொட்டேஷன் கேங் என்ற படத்தில் நடித்தார் . அதில் புகைப்பிடிக்கும் படி சில காட்சிகள் அந்த வீடியோவில் இடம் பெற்றுள்ளார். இதனை பார்த்த ரசிகர்கள் நம்ம பேபி சாராவா இப்படி என்று ஆச்சரியத்தில் உறைந்து போயுள்ளார். சினிமாவில் வளரும் நேரத்தில் கதாப்பாத்திரங்களை தேர்வு செய்வதில் கவனமுடன் சாரா இருந்தால் அவரின் திரைவாழ்க்கை இன்னும் நல்ல உயர்வை கொடுக்கும்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.