Tamil Movies On This Day: வித்தியாசமான மேக்கிங்.. ஆக்ஷன் மோடில் கமல் - ஆகஸ்ட் 25 இல் வெளியான தமிழ் படங்கள் லிஸ்ட்
Tamil Movies On This Day: பெரிய ஸ்டார், வெள்ளிவிழா படங்கள் எதுவும் ஆகஸ்ட் 25 ஆம் தேதியில் வெளியாகவில்லை என்றாலும் ரசிகர்கள் மனம் கவர்ந்த சில படங்கள் வெளியாகி உள்ளது.
ஆகஸ்ட் 25 ஆம் தேதியான இன்றைய தேதியில், 1967 களில் இருந்து தற்போது வரை தமிழில் வெளியாகியிருக்கும் படங்கள் எவை என்பதை பார்க்கலாம். இந்த தேதியில் டாப் ஹீரோக்களான கமல் ஹாசன், சரத்குமார் போன்றோரின் படங்கள் வெளியாகியுள்ளன. ரசிகர்கள் மத்தியில் வரவேற்பை பெற்றிருக்கும் இந்த படங்கள் எவை என்பதை பார்க்கலாம்.
வேட்டையாடு விளையாடு
வசூல் ராஜா எம்பிபிஎஸ், மும்பை எக்ஸ்பிரஸ் என அடுத்தடுத்து காமெடி படங்கள் கொடுத்த கமல்ஹாசன், வேட்டையாடு விளையாடு படம் மூலம் ஆக்ஷன் மோடுக்கு மாறினார். மிகவும் குறுகிய கதாபாத்திரங்கள், குறிப்பாக மாஸ்ஸான வில்லன்கள் இல்லாத போதிலும் கெளதம் மேனனின் வித்தியாசமான திரைக்கதை, மேக்கிங் ரசிகர்கள் வெகுவாக கவர்ந்தது.
கமலுக்கு மாஸ்ஸான ஓபனிங் சீன், கமல் படங்களில் இதுவரை இல்லாத அளிவில் கற்க கற்க பாடல் மூலம் மாஸ்ஸான ஓபனிங் கொடுத்திருப்பார் கெளதம் மேனன். அவ்வளதான் அதன் பின் இன்வெஸ்டிகேஷன், ஆக்ஷன், த்ரில்லர் என தனது ஏரியாவில் படத்தை கொண்டு சென்றிருப்பார்கள். இந்த படம் வெளியாகி இன்றுடன் 18 ஆண்டுகள் நிறைவு செய்து உள்ளது.
கமலின் மனைவி குறுகிய நிமிடமே தோன்றும் புதுமுக நாயகியான கமாலினி முகர்ஜி, பார்வையாளர்களை வெகுவாக கவர்ந்தார். கணவரிடம் டைவர்ஸ் பெற்ற தனியாக வாழு பெண்ணாக வரும் ஜோதிகா, பின்னர் கமலுடனான சந்திப்பு, நட்பு, நெருக்கம், காதல் என்று செல்லும் இவர்களின் எபிசோடு கெளதம் மேனன் டிரேட்மார்க் ஸ்டைல் காட்சிகளாக அமைந்திருந்தன.
ஆரம்பத்தில் இந்த படம் ரோஜா காம்பைன்ஸ் சார்பில் காஜ மைதீன் தயாரிப்பதாக அறிவிக்கப்பட்டு தொடங்கியது. படம் படப்பிடிப்பு தொடங்கி தயாரிப்பு பணிகள் சென்றுகொண்டிருக்கையில் நிதி நெருக்கடியில் சிக்கிய தயாரிப்பாளர் தற்கொலை செய்து கொண்டார். இதன் பின்னர் படத்தை ஆஸ்கர் ரவிச்சந்திரன் டேக் ஓவர் செய்தார். அவரும் படத்துக்கு சில பல லட்சங்கள் செலவு செய்து விலகினார்.
மாயி
மாயி என்று படம் பேர் சொன்னால் பலருக்கும் தெரியாது. ஆனால், அண்ணேன் மாயன்ணே வந்துருகாக.. மாப்புள மொக்கச்சாமி வந்திருக்காக.. வாம்மா மின்னல்..’ என்ற டயலாக் சொன்னால் நிச்சயம் தெரியாமல் இருக்காது. சரத்குமார் ,மீனா, வடிவேலு, பொன்னம்பலம், தியாகு, விஜயகுமார் உள்ளிட்டோர் இந்த படத்தில் நடித்து இருக்கிறார்கள். 24 ஆண்டுகளுக்கு முன் இதே நாளில் மாயி படம், வெளியானது.
கண்ணல் பேசவா
2000 ஆம் ஆண்டு வெளியான படம், கண்ணல் பேசவா. 2000 ஆம் ஆண்டு ஏப்ரல் மாதம் வெளியிட திட்டமிடப்பட்டது. ஆனால் தள்ளிச் சென்று, ஆகஸ்ட் 2000 ஆம் ரிலீஸானது. ஒரு மெல்லிய காதல் கதையுடன் இளைஞர்களை கவரும் முயற்சியாக படம் வெளியானது. செந்திலின் நகைச்சுவை படத்திற்கு பெரிய பலத்தை சேர்த்தது. 24 ஆண்டுகளுக்கு முன் இதே நாளில் கண்ணல் பேசவா படம், வெளியானது.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.
தொடர்புடையை செய்திகள்
டாபிக்ஸ்