Disha Patani in Suriya 42: தமிழில் களமிறங்கும் திஷா பதானி!

சிவா இயக்கி வரும் புதிய படத்தில் சூர்யா நடித்த வருகிறார். இப்படத்திற்குத் தற்காலிகமாக சூர்யா 42 எனப் பெயரிடப்பட்டுள்ளது. இப்படத்தை ஸ்டுடியோ கிரீன் மற்றும் யுவி கிரியேஷன் இணைந்து தயாரிக்கின்றது.

இதில் கதாநாயகியாகப் பாலிவுட் நடிகை திஷா பதானி நடிக்கிறார். மேலும் யோகி பாபு, கோவை சரளா, ஆனந்தராஜ், கிங்ஸ்லி போன்றோர் முக்கிய கதாபாத்திரங்களில் நடித்து வருகின்றனர். இப்படத்திற்குத் தேவி ஸ்ரீ பிரசாத் இசையமைக்கிறார்.

இதன் படப்பிடிப்பு கடந்த மாதம் தொடங்கியது. தற்போது இந்த படம் குறித்து மோஷன் போஸ்டர் வீடியோவை படக்குழு வெளியிட்டது. இந்த படம் பத்து மொழிகளில் 3டி தொழில்நுட்பத்தில் வெளியாக உள்ளது.

இந்த படத்தின் மூலம் பாலிவுட் நடிகை திஷா பதானி தமிழ் சினிமாவில் முதன் முதலில் அடியெடுத்து வைக்கிறார். தற்போது சமூக வலைத்தளங்களில் இவர் பகிர்ந்து உள்ள மோஷன் போஸ்டர் வீடியோவிற்கு ரசிகர்கள் வாழ்த்துக்களைத் தெரிவித்து வருகின்றனர்.