Abishek Raaja Marriage: மனைவியான காதலி! பிக் பாஸ் புகழ் அபிஷேக் ராஜா இரண்டாவது திருமணம்

இதையடுத்து அதே சீசனில் வைல்டு கார்டு என்ட்ரி மூலம் 48வது நாளில் மீண்டும் நுழைந்த அபிஷேக் 63வது நாளில் வெளியேற்றப்பட்டார்.

அபிஷேக் ராஜா இரண்டாவது திருமணம்

பிக் பாஸ் நிகழ்ச்சிக்கு முன்னர் யூடியூப் விமர்சகராகவும், பிரபல ஆன்லைன் இணையத்தளங்களில் தொகுப்பாளராகவும் இருந்துள்ளார் அபிஷேக் ராஜா. இதையடுத்து ஏற்கனவே திருமணமாகி விவாகரத்தானவரான அபிஷேக், ஸ்வாதி நாகராஜன் என்பவரை காதலித்து வந்துள்ளார்.

இதைத்தொடர்ந்து காதலி ஸ்வாதியை கரம் பிடித்து இரண்டாவது திருமணம் செய்துள்ளார் அபிஷேக். நெருங்கிய உறவினர்கள், நண்பர்கள் மட்டும் அபிஷேக் - ஸ்வாதி திருமணத்தில் கலந்து கொண்டதாக கூறப்படுகிறது.

இவர்களின் திருமண புகைப்படங்கள் தற்போது சமூக வலைத்தளங்களில் வைரலாகி வருகிறது. ரசிகர்களும், திரைப்பிரபலங்களும் அபிஷேக்குக்கு வாழ்த்துகளை தெரிவித்து வருகின்றனர்.

முதல் மனைவியுடன் விவாகரத்து

2017இல் தீபா நடராஜன் என்பவரை திருமணம் செய்தார் அபிஷேக் ராஜா. இரண்டு ஆண்டுகளுக்கு பிறகு கருத்து வேறுபாடு காரணமாக இவர்கள் 2019இல் விவாகரத்து பெற்றனர். இதன் பின்னர் சிங்கிளாக இருந்து வந்த அபிஷேக், ஸ்வாதி மீதி காதல் வயப்பட்டு அவரை திருமணம் செய்து கொண்டுள்ளார்.

இயக்குநராகும் அபிஷேக் ராஜா

யூடியூப் விமர்சகர், தொகுப்பாளராக தனது வாழ்க்கையை தொடங்கியவர் அபிஷேக் ராஜா. பல்வேறு பிரபலங்களை பேட்டியெடுத்து கவனத்தை பெற்றார். இதன் பின்னர் பிக் பாஸ் நிகழ்ச்சியிலும் பங்கேற்று பிரபலம் அடைந்தார்.

தமிழில் அஜய் ஞானமுத்து இயக்கிய இமைக்கா நொடிகள் படத்தில் சிறிய கேமியோ வேடத்தில் ராஷி கண்ணா ஜோடியாக நடித்திருப்பார். இதேபோல் சில படங்களில் சிறு சிறு காட்சிகளில் தோன்றி வந்தார்.

தற்போது அபிஷேக் ராஜா ஜாம் ஜாம் என்ற படத்தை இயக்கி வருகிறார். ரெமாண்ஸ் காமம் கலந்த படமாக இருக்கும் என படத்தின் போஸ்டரில் குறிப்பிடப்பட்டுள்ளது. இந்த படத்தின் நடிகர் நடிகைகள் யார் என்பது குறித்த தகவல் தெரிவிக்கப்படவில்லை. தேனி ஈஸ்வர் படத்தின் ஒளிப்பதிவு பணிகளை மேற்கொள்கிறார்.

படம் இயக்குவது குறித்து அபிஷேக் ராஜா, “இது எனது கிரியேட்டிவ் உருமாற்றமாக உள்ளது. எனவே கூடுதல் பொறுப்புடன் இருக்க வேண்டும். எதார்தத்தில் இருந்து தப்பிக்கும் வழியாக சினிமா எனக்கு உள்ளது. திரைப்படங்களில் ஒரு அங்கமாக இருக்க வேண்டும் என எப்போதும் விரும்புவேன். இயக்குநராக மாறியிருப்பது எனது வாழ்க்கையின் அடுத்த படி.

காதலில் காமம் இருக்கும். காமத்திலும் காதல் இருக்கிறது. இந்த இரண்டுக்கும் இடையிலான வித்தியாசத்தை புரிந்து கொள்ளும் விதமாக படம் இருக்கும்” என்று கூறியுள்ளார்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன: 

Twitter: https://twitter.com/httamilnews 

Facebook" https://www.facebook.com/HTTamilNews 

You Tube: https://www.youtube.com/@httamil 

Google News: https://tamil.hindustantimes.com/ 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

https://www.whatsapp.com/channel/0029Va9NEUA7IUYU4eBTc81v